କାର୍କାମାର୍କା ଜଙ୍ଗଲରୁ ନକ୍ସଲ କ୍ୟାମ୍ପ ଠାବ

ମୁନିଗୁଡ଼ା (ନନ୍ଦ କିଶୋର ପଟ୍ଟନାୟକ):ରାୟଗଡ଼ା ଜିଲ୍ଲା ଅମ୍ବାଦଳା ଥାନା ଅନ୍ତର୍ଗତ କାର୍କାମାର୍କା ଜଙ୍ଗଲରୁ ନକ୍ସଲ କ୍ୟାମ୍ପ ଠାବ କରାଯାଇଛି। ଯବାନମାନେ ସେଠାରୁ ଏକ  ଲ୍ୟାଣ୍ଡମାଇନ ଜବତ କରି ନିଷ୍କ୍ରିୟ କରିଛନ୍ତି।

କାର୍କାମାର୍କା ଜଙ୍ଗଲରେ ନକ୍ସଲମାନେ ଥିବାକୌଣସି ସୂତ୍ରରୁ ପୁଲିସ୍ ଖବର ପାଇଥିଲା। ଗତକାଲି ଏସ୍‌ଓଜି ଓ ଡିଭିଏଫ୍‌ ଯବାନମାନଙ୍କ ମିଳିତ ଅପରେସନ ବେଳେ ନକ୍ସଲ କ୍ୟାମ୍ପ ଠାବ କରାଯାଇଥିଲା । ନକ୍ସଲମାନେ ସୁରକ୍ଷା ବାହିନୀଙ୍କୁ ଦେଖି ଛତ୍ରଭଙ୍ଗ ଦେଇଥିଲେ।

ମିଳିଥିବା ଖବର ଅନୁସାରେ, ଏହି କ୍ୟାମ୍ପରେ ୧୦ ରୁ ୧୨ ଜଣ ନକ୍ସଲ ଥିବା ଅନୁମାନ କରାଯାଉଛି। କ୍ୟାମ୍ପରୁ ଔଷଧ, ଖାଦ୍ୟ ସାମଗ୍ରୀ, ପୋଷାକ, ଛତା, ପାଣି ବୋତଲ ଓ ୧୦ଟି ପଲିଥିନ ମିଳିଥିବା ଜଣାପଡିଛି। ଅପରେସନ ସାରି ଯବାନମାନେ ସୁରକ୍ଷିତ ଭାବରେ ଫେରିଆସିଥିବା ବେଳେ ପୁଲିସ ପକ୍ଷରୁ ଏନେଇ କୌଣସି ବିଧିବଦ୍ଧ ସୂଚନା ଦିଆଯାଇନାହିଁ।