ଡାକ୍ତରଙ୍କୁ ମାଡ଼, ଅଭିଯୁକ୍ତଙ୍କୁ ଗିରଫ କରିବାକୁ ଦାବି

କୋମନା: ନୂଆପଡ଼ା କୋମନା ଗୋଷ୍ଠୀ ସ୍ଵାସ୍ଥ୍ୟକେନ୍ଦ୍ରରେ ଡାକ୍ତରଙ୍କୁ ମାଡ଼ ମରାଯାଇଥିବା ଅଭିଯୋଗ ହୋଇଛି। ସ୍ଵାସ୍ଥ୍ୟ ପରୀକ୍ଷା କରିବା ବାହାନାରେ ଆସି ଦୁଇ ଜଣ ଯୁବକ ତାଙ୍କୁ ମାଡ଼ ମାରିଥିବା ଅଭିଯୋଗ କରାଯାଇଛି। ଡାକ୍ତରଙ୍କ ଉପରେ ଆକ୍ରମଣ ଘଟଣାକୁ ଓମ୍‌ସାର ନୂଆପଡ଼ା ଶାଖା ଓ ଆଇଏମ୍‌ଏସ୍‌ ସଂଘ ଘୋର ନିନ୍ଦା କରିଛି। ଏଥିସହିତ ଅଭିଯୁକ୍ତମାନଙ୍କୁ  ଗିରଫ କରିବା ପାଇଁ ସଂଘ ପ‍କ୍ଷରୁ ଦାବି କରାଯାଇଛି। ଖୁବଶୀଘ୍ର ଅଭିଯୁକ୍ତମାନଙ୍କୁ ଗିରଫ କରାଯିବ ବୋଲି କୋମନା ଥାନା ଅଧିକାରୀ ପ୍ରତିଶ୍ରୁତି ଦେଇଛନ୍ତି।