ଉତ୍ତର ଓ ଆଭ୍ୟନ୍ତରୀଣ ଓଡ଼ିଶାରେ ଆଜି ହୋଇପାରେ କାଳବୈଶାଖୀ

saratsahu
ଭୁବନେଶ୍ୱର ଆଞ୍ଚଳିକ ପାଣିପାଗ କେନ୍ଦ୍ରର ନିର୍ଦ୍ଦେଶକ ଶରତ ସାହୁ

ଭୁବନେଶ୍ୱର: ଉତ୍ତର ଓ ଆଭ୍ୟନ୍ତରୀଣ ଓଡ଼ିଶାର ଅନେକ ସ୍ଥାନରେ ଆଜି ଅପରାହ୍ନରେ କାଳବୈଶାଖୀ ହେବାର ସମ୍ଭାବନା ରହିଛି। ଖୋର୍ଦ୍ଧା, କଟକ, ଅନୁଗୋଳ, ଯାଜପୁର, କେନ୍ଦୁଝର, ମୟୂରଭଞ୍ଜ, ବାଲେଶ୍ୱର ଓ ଭଦ୍ରକରେ ବର୍ଷା ସମ୍ଭାବନା ରହିଛି। ଭୁବନେଶ୍ୱର ଆଞ୍ଚଳିକ ପାଣିପାଗ କେନ୍ଦ୍ର ପକ୍ଷରୁ ଏହି ପୂର୍ବାନୁମାନ କରାଯାଇଛି।

ଟ୍ରାପ୍‌ଲାଇନ୍‌ ଯୋଗୁଁ ଆଜି ଉତ୍ତର ଓ ଆଭ୍ୟନ୍ତରୀଣ ଓଡ଼ିଶାରେ କାଳବୈଶାଖୀ ଓ ବର୍ଷା ହେବାର ସମ୍ଭାବନା ସୃଷ୍ଟି ହୋଇଛି ବୋଲି ଭୁବନେଶ୍ୱର ଆଞ୍ଚଳିକ ପାଣିପାଗ କେନ୍ଦ୍ରର ନିର୍ଦ୍ଦେଶକ ଶରତ ସାହୁ କହିଛନ୍ତି।

ସେ କହିଛନ୍ତି,“ଆଭ୍ୟନ୍ତରୀଣ ଓଡ଼ିଶାରେ କେବଳ ଆଜି ବର୍ଷା ହେବାର ସମ୍ଭାବନା ରହିଛି। ଆସନ୍ତାକାଲି ଏ ଅଞ୍ଚଳରେ ବର୍ଷା ହେବାର ସମ୍ଭାବନା ନାହିଁ। ତେଣୁ ଆସନ୍ତାକାଲିଠାରୁ ଆଭ୍ୟନ୍ତରୀଣ ଓଡ଼ିଶାରେ ଧୀରେ ଧୀରେ ତାପମାତ୍ରା ବଢ଼ିବ।”

ଆଞ୍ଚଳିକ ପାଣିପାଗ କେନ୍ଦ୍ର ପକ୍ଷରୁ କୁହାଯାଇଛି ଯେ ଆଜି ପଶ୍ଚିମ ଓ ଉପକୂଳ ଓଡ଼ିଶାରେ ତାପାମାତ୍ରା କମ୍ ରହିବ। ଆସନ୍ତାକାଲିଠାରୁ ପଶ୍ଚିମ ଓଡ଼ିଶାରେ ତାପମାତ୍ରା ବଢ଼ିପାରେ। ତେବେ ଉପକୂଳ ଓଡ଼ିଶାର ତାପମାତ୍ରା ବଢ଼ିବ ନାହିଁ। ଏପ୍ରିଲ୍ ୨ ବା ୩ ତାରିଖ ପର୍ଯ୍ୟନ୍ତ ଏ ଅଞ୍ଚଳରେ ତାପମାତ୍ରା ୩୬ରୁ ୩୮ ଡିଗ୍ରୀ ମଧ୍ୟରେ ରହିବ।

ଶରତ ସାହୁ କହିଛନ୍ତି,“ବର୍ତ୍ତମାନ ରାଜ୍ୟରେ ବୋହୁ ଥିବା ପବନର ଗତି ପ୍ରାୟ ଉତ୍ତର-ପଶ୍ଚିମ ଦିଗରୁ ରହୁଛି। ଏହା ଦ୍ୱାରା ତାପମାତ୍ରା ବଢ଼େ ନାହିଁ। ଦକ୍ଷିଣ-ପଶ୍ଚିମ ବା ପଶ୍ଚିମ ଦିଗରୁ ପବନ ବୋହିଲେ ତାପାମାତ୍ରା ଅଧିକ ବଢ଼ିଥାଏ। କାରଣ ସେପଟରେ ପାଗ ଗରମ ରହୁଛି। କିନ୍ତୁ ଉତ୍ତର ଦିଗରେ ତାପାମାତ୍ର ଏତେ ଅଧିକ ହୋଇନି। ତେଣୁ ଗରମ ଅଧିକ ହୋଇ ନ ପାରେ। ବିଶେଷ କରି ପଶ୍ଚିମ ଓଡ଼ିଶା ଓ ଉପକୂଳ ଓଡ଼ିଶାରେ ଆଜି ତାମପାତ୍ରା କମ୍ ରହିବ। କିନ୍ତୁ ଆସନ୍ତାକାଲିଠାରୁ ପଶ୍ଚିମ ଓଡ଼ିଶାରେ ତାପାମାତ୍ର ବଢ଼ିପାରେ। ତେବେ ଉପକୂଳ ଓଡ଼ିଶାରେ ତାପମାତ୍ରା ଅଧିକ ବଢ଼ିବ ନାହିଁ। ଉପକୂଳ ଓଡ଼ିଶାରେ ତାପମାତ୍ର ୩୬ ଡିଗ୍ରୀରୁ ୩୮ ଡିଗ୍ରୀ ମଧ୍ୟରେ ରହିପାରେ। ଏପ୍ରିଲ୍ ୨ ବା ୩ ତାରିଖ ପର୍ଯ୍ୟନ୍ତ ଏହି ସ୍ଥିତି ଜାରି ରହିବ। କାରଣ ସାମୁଦ୍ରିକ ପବନର ପ୍ରଭାବ ରହିବ। ସେହିପରି ଆସନ୍ତା ଦୁଇ ତିନି ଦିନ ପର୍ଯ୍ୟନ୍ତ ଉପକୂଳ ଓଡ଼ିଶାର କାଁ ଭାଁ ସ୍ଥାନରେ କାଳବୈଶାଖୀ ବା ବର୍ଷା ହେବାର ସମ୍ଭାବନା ରହିଛି।”