ଜରାଶ୍ରମରେ ଯନ୍ତ୍ରଣା: ‘ଆଶା କିରଣ ହୋମ୍‌’ରେ ବୁଢ଼ାବୁଢ଼ୀଙ୍କୁ ମାଡ଼

<p>ଖୋର୍ଦ୍ଧା(ଓଡ଼ିଶା ରିପୋର୍ଟର): ଜରାଶ୍ରମରେ ଯନ୍ତ୍ରଣା। ସେବା ନାଁରେ ଜରାଶ୍ରମରେ ବୃଦ୍ଧ ଓ ବୃଦ୍ଧାଙ୍କୁ ନିର୍ଯାତନ ଦିଆଯାଉଥିବା ଅଭିଯୋଗ ହୋଇଛି। ଏପରି ନିର୍ଯାତନ ଅଭିଯୋଗ ଆସିଛି ଆଶା କିରଣ ବୃଦ୍ଧାଶ୍ରମର ତତ୍ତ୍ୱାବଧାରକଙ୍କ ବିରୋଧରେ। ନିର୍ଯାତନା ଭିଡ଼ିଓ ଭାଇରାଲ ହେବା ପରେ ଅନ୍ତେବାସୀଙ୍କୁ ସ୍ଥାନାନ୍ତର କରାଯାଇଛି।<br />ଜଟଣୀ ସହରରେ ଚାଲିଛି ଆଶା କିରଣ ହୋମ୍। ଏଠାରେ ମୋଟ ୨୩ ଜଣ ଅନ୍ତେବାସୀ ଅଛନ୍ତି। ସେମାନଙ୍କ ମଧ୍ୟରେ ୧୨ ଜଣ ମାନସିକ ଦୁର୍ବଳ ଓ ୧୧ ଜଣ ବୃଦ୍ଧବୃଦ୍ଧା ଅଛନ୍ତି। ତେବେ ସଂସ୍ଥାର ତତ୍ତ୍ୱାବଧାରକ ଏମାନଙ୍କୁ ଖାଇବାକୁ ନ ଦେଇ ବିଭିନ୍ନ ସମୟରେ କାମରେ ନିୟୋଜିତ କରୁଥିବା ଅଭିଯୋଗ ହୋଇଛି। ଏପରିକି ବୃଦ୍ଧା ଓ ବୃଦ୍ଧଙ୍କୁ ମାରପିଟ୍&zwnj; କରାଯାଉଥିବା ଭିଡିଓ ଭାଇରାଲ ହୋଇଛି। ଏନେଇ ଜଟଣୀର ସମାଜସେବୀ ନମିତା ପାଲ ଖୋର୍ଦ୍ଧା ଅତିରିକ୍ତ ଜିଲ୍ଲାପାଳଙ୍କୁ ସାକ୍ଷାତ କରି ଘଟଣାର ତଦନ୍ତ ପାଇଁ ଦାବି କରିଥିଲେ। ଅଭିଯୋଗ ପାଇବା ପରେ ଅତିରିକ୍ତ ଜିଲ୍ଲାପାଳଙ୍କ ନିର୍ଦ୍ଦେଶରେ ଖୋର୍ଦ୍ଧା ବ୍ଲକ ସମାଜ ସୁରକ୍ଷା ଅଧିକାରୀ ଆଶା କିରଣ ହୋମ୍&zwnj;ରେ ପହଞ୍ଚି ତଦନ୍ତ କରିଛନ୍ତି। ପରେ ଆଶା କିରଣ ହୋମ୍&zwnj;ରେ ରହୁଥିବା ୧୨ ଜଣ ମାନସିକ ଦୁର୍ବଳ ଓ ଅନ୍ୟ ୧୧ ଜଣଙ୍କୁ ଖୋର୍ଦ୍ଧାର ଜରାଶ୍ରମକୁ ସ୍ଥାନାନ୍ତର କରାଯାଇଛି। ତେବେ ଅନ୍ତେନ୍ତବାସୀମାନଙ୍କୁ ମାଡ ମରାଯିବା ଅଭିଯୋଗକୁ ଅସ୍ୱୀକାର କରିଛନ୍ତି ହୋମ୍&zwnj;ର ତତ୍ତ୍ୱାବଧାରକ ହେମନ୍ତ ଶାସ୍ତ୍ରୀ।<br />କିଏ କ&rsquo;ଣ କୁହନ୍ତି<br />ଖୋର୍ଦ୍ଧା ବ୍ଲକ ସମାଜ ସୁରକ୍ଷା ଅଧିକାରୀ ବିପ୍ଲବ କେଶରୀ ସାମନ୍ତରାୟ କହିଛନ୍ତି-&ldquo;ଆଶା କିରଣ ହୋମ୍&zwnj;ରେ ରହୁଛନ୍ତି ୨୩ ଜଣ ଅନ୍ତେବାସୀ। ସେମାନଙ୍କ ମଧ୍ୟରୁ ୧୨ ଜଣ ମାନସିକ ଦୁର୍ବଳଙ୍କୁ ମିଶନ୍&zwnj; ଆଶ୍ରମ ଓ ୧୧ ଜଣ ବୃଦ୍ଧବୃଦ୍ଧାଙ୍କୁ ଖୋର୍ଦ୍ଧାର ଦୁଇଟି ଆଶ୍ରମକୁ ପଠାଯାଇଛି। ଜିଲ୍ଲାପାଳଙ୍କ ନିର୍ଦ୍ଦେଶରେ ଏମାନଙ୍କୁ ସ୍ଥାନାନ୍ତର କରାଯାଇଛି।&rdquo;<br />ସମାଜସେବୀ ନମିତା ପାଲ କହିଛନ୍ତି-&ldquo;ଆଶା କିରଣ ହୋମ୍&zwnj; ବୃଦ୍ଧାଶ୍ରମ ନୁହେଁ। ମାତ୍ର ଏହି ଅନୁଷ୍ଠାନ ବେଆଇନ୍&zwnj; ଭାବେ ବୃଦ୍ଧା ଓ ବୃଦ୍ଧଙ୍କୁ ରଖି ନିର୍ଯାତନା ଦେଉଛି। ସେମାନଙ୍କୁ ଖାଇବାକୁ ଦେଉନାହିଁ। ସେମାନଙ୍କୁ(ବୃଦ୍ଧ ଓ ବୃଦ୍ଧା) ବିଭିନ୍ନ କାମରେ ନିୟୋଜିତ କରାଯାଉଛି। ଯେଉଁ ବୃଦ୍ଧ ଓ ବୃଦ୍ଧାମାନେ ଘରକୁ ଯିବା ପାଇଁ ଚାହୁଁଛନ୍ତି, ସେମାନଙ୍କୁ ଛଡ଼ା ଯାଉନାହିଁ।&rdquo;<br />ଆଶା କିରଣ ହୋମ୍&zwnj; ତତ୍ତ୍ୱାବଧାରକ ହେମନ୍ତ ଶାସ୍ତ୍ରୀ କହିଛନ୍ତି-&ldquo;ବୃଦ୍ଧ ଓ ବୃଦ୍ଧାଙ୍କୁ ମାଡ଼ି ମାରିନାହିଁ। ଭାଇରାଲ ହୋଇଥିବା ଭିଡ଼ିଓ ବିଷୟରେ କିଛି ଜାଣିନାହିଁ। କିଏ କେମିତି କଣ ପାଇଁ ଏମିତି କରିଛି କିଛି ଜାଣିନାହିଁ।&rdquo;</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।