ଭୁବନେଶ୍ୱର(ଓଡ଼ିଶା ରିପୋର୍ଟର): ଅକ୍ଟୋବର ୧ ତାରିଖରୁ ସବୁ ଗାଡ଼ି ପାଇଁ ଅନ୍ଲାଇନ୍ ପଲ୍ୟୁସନ୍ ଟେଷ୍ଟିଂ ସାର୍ଟିଫିକେଟ୍ ବାଧ୍ୟତାମୂଳକ। ଏହି ସାର୍ଟିଫିକେଟ୍ ‘VAHAN’ରେ ଅପ୍ଲୋଡ୍ ହୋଇଥିବା ଆବଶ୍ୟକ। ସେହିପରି କୌଣସି ପଲ୍ୟୁସନ୍ ଟେଷ୍ଟିଂ ସେଣ୍ଟର ଅକ୍ଟୋବର ପହିଲାରୁ ମାନୁଆଲ୍ ସାର୍ଟିଫିକେଟ୍ ଜାରି କରିପାରିବେ ନାହିଁ। ତେବେ ସେପ୍ଟେମ୍ବର ୩୦ ତାରିଖ ପୂର୍ବରୁ ଜାରି କରାଯାଇଥିବା ମାନୁଆଲ୍ ପଲ୍ୟୁସନ୍ ଅଣ୍ଡର କଣ୍ଟ୍ରୋଲ୍ (ପିୟୁସି) ସାର୍ଟିଫିକେଟ୍ଗୁଡ଼ିକୁ ଗ୍ରହଣ କରାଯିବା। ରାଜ୍ୟ ପରିବହନ ବିଭାଗ ପକ୍ଷରୁ ଟ୍ୱିଟ୍ କରି ଏପରି ସୂଚନା ଦିଆଯାଇଛି।
Online pollution testing certificate mandatory from 1st Oct, 2019. The PUC certificate fee for 2 & 3 wheelers - Rs.60, Light motor vehicle - Rs.100, medium & heavy motor vehicle - Rs.150 (GST extra). List of pollution testing centers with detail procedure: https://t.co/EPw8irWO4w pic.twitter.com/Et9cE9hzgJ
— STA Odisha (@STAOdisha) September 23, 2019
ଏଥିରେ ଆହୁରି ମଧ୍ୟ କୁହାଯାଇଛି ଗାଡ଼ି ମାଲିକମାନେ ମୁଖ୍ୟମନ୍ତ୍ରୀଙ୍କ ଘୋଷଣା ଅନୁଯାୟୀ ଡିସେମ୍ବର ପହିଲା ପର୍ଯ୍ୟନ୍ତ ଛାଡ଼ ପାଇବେ। ଲୋକମାନେ mParivan APPରେ ସେମାନଙ୍କ ଅନ୍ଲାଇନ୍ ସାର୍ଟିଫିକେଟ୍ ଦେଖାଇବାର ସୁବିଧା ରହିବ। ସେମାନେ ହାର୍ଡକପି ଧରି ସବୁବେଳେ ବୁଲିବାର ଆବଶକତା ନାହିଁ।
Vehicle owners will continue to get relaxation upto 1st December as announced by Hon'bl CM. Pollution Testing Centres can not issue manual certificates from 1st October. Citizens will have the option to show the online certificate in mParivan APP in place of physical document. https://t.co/ETTU65J9QM
— STA Odisha (@STAOdisha) September 23, 2019
ପରିବହନ ବିଭାଗ ପକ୍ଷରୁ କରାଯାଇଥିବା ଟ୍ୱିଟ୍ରେ ଦୁଇ ଓ ତିନି ଚକିଆ ଯାନର ପଲ୍ୟୁସନ୍ ଟେଷ୍ଟିଂ ପାଇଁ ୬୦ ଟଙ୍କା ଓ ହାଲୁକା ୪ ଚକିଆ ଯାନ ପାଇଁ ଶହେ ଟଙ୍କା ଏବଂ ମଧ୍ୟମ ଓ ଭାରି ଯାନ ପାଇଁ ୧୫୦ ଟଙ୍କା ଫି’ ଧାର୍ଯ୍ୟ କରାଯାଇଥିବା କୁହାଯାଇଛି।
The manual PUC certificates issued before 30.9.2019 will remain valid.
— STA Odisha (@STAOdisha) September 23, 2019
ସୂଚନାଯୋଗ୍ୟ, କେନ୍ଦ୍ର ସରକାରଙ୍କ ପରିବହନ ମନ୍ତ୍ରାଳୟ ପକ୍ଷରୁ ଏପ୍ରିଲ ୧ରୁ ଅନ୍ଲାଇନରେ ପିୟୁସି ସାର୍ଟିଫିକେଟ ଦେବାକୁ ଟେଷ୍ଟିଂ ସେଣ୍ଟରଗୁଡ଼ିକୁ ନିର୍ଦ୍ଦେଶ ଦିଆଯାଇଥିଲା। ହେଲେ ଆବଶ୍ୟକ ଅନୁସାରେ ପଲ୍ୟୁସନ୍ ଟେଷ୍ଟିଂ ସେଣ୍ଟର ନଥିଲା ଓ ଯେଉଁ ଟେଷ୍ଟିଂ ସେଣ୍ଟରଗୁଡ଼ିକ ଥିଲା ସେଗୁଡ଼ିକ ଟେକ୍ନିକାଲି ଡେଭେଲପ୍ ହୋଇ ନଥିଲେ। ଏଣୁ ଏହି ସମୟସୀମା ପୁଣି ଥରେ ସେପ୍ଟେମ୍ବର ୩୦ ଯାଏ ଘୁଞ୍ଚାଇ ଦିଆଯାଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
