ପାରାଦୀପ: ପରାଦୀପରେ ପେଟ୍କୋକ୍ ପରିବହନକୁ ନେଇ ଲାଗି ରହିଥିବା ବିବାଦର ସମାଧାନ ହୋଇଛି। ଗତକାଲିଠାରୁ ଆଇଓସିଏଲ୍ରେ ଅଟକି ରହିଥିବା ୧୫ଟି ହାଇୱା ଅନ୍ଲୋଡ ପାଇଁ ଆଜି ବନ୍ଦରକୁ ଯାଇଛି।
ଆଇଓସିଏଲରୁ ପାରାଦୀପ ବନ୍ଦରକୁ ଆସୁଥିବା ପେଟ୍କୋକ୍ ହାଇୱାରେ ପରିବହନ କରାଯିବାକୁ ନେଇ ଟ୍ରକ୍ ମାଲିକ ସଂଘ ଆପତ୍ତି ଉଠାଇଥିଲା। ଏପରିକି ଟ୍ରକ୍ ମାଲିକ ସଂଘର ବିରୋଧ ଯୋଗୁଁ ପେଟ୍କୋକ୍ ବୋଝେଇ ୧୫ଟି ହାଇୱା ବିଭିନ୍ନ ସ୍ଥାନରେ ଅଟକି ରହିଥିଲା।
ଅତିରିକ୍ତ ଜିଲ୍ଲାପାଳ ବିଶ୍ୱଜିତ ବିଶ୍ୱାଳ ଘଟଣା ସ୍ଥଳରେ ପହଞ୍ଚି ଆଲୋଚନା କରିବା ପରେ ସାମୟିକ ଭାବେ ସମସ୍ୟାର ସମାଧାନ ହୋଇଥିଲା ଓ ହାଇୱା ଗୁଡ଼ିକୁ ଛାଡିବାକୁ ଟ୍ରକ୍ ମାଲିକ ସଂଘ ରାଜି ହୋଇଥିଲା।
ଆଇଓସିଏଲ୍ରୁ ତୈଳ ବିଶୋଧନ ପରେ ଜାଳେଣି ପାଇଁ ବ୍ୟବହାର ହେଉଥିବା ଆବର୍ଜନା ହେଉଛି ପେଟ୍କୋକ୍।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
