ପାରଳାଖେମୁଣ୍ଡି: ରାୟଗଣ୍ଡା ଜଙ୍ଗଲରୁ ଟିଫିନ୍ ବୋମା ଉଦ୍ଧାର

ପାରଳାଖେମୁଣ୍ଡି: ଗଜପତି ଜିଲ୍ଲା ଅଡ଼ବା ଥାନା ଅନ୍ତର୍ଗତ ପାଣିଗଣ୍ଡାର ରାୟଗଣ୍ଡା ଗାଁ ମଝି ଜଙ୍ଗଲରୁ ଏକ ଟିଫିନ୍ ବୋମା ଉଦ୍ଧାର କରାଯାଇଛି। ସିଆରପିଏଫ୍ ଓ ଡିଭିଏଫର ମିଳିତ କମ୍ୱିଂ ଅପରସେନ୍ ବେଳେ ୩୨ କିଲୋଗ୍ରାମର ଏହି ଅଫୁଟା ଟିଫିନ୍ ବୋମା ଉଦ୍ଧାର କରାଯାଇଛି। ଏ ସମ୍ପର୍କରେ ଆଜି ଏକ ସାମ୍ୱାଦିକ ସମ୍ମିଳନୀର ଗଜପତି ଏସପି ସତ୍ୟଜିତ ନାୟକ ଏହି ସୂଚନା ଦେଇଛନ୍ତି। ଜିଲ୍ଲାରେ ମାଓ କାର୍ଯ୍ୟକଳାପ ହ୍ରାସ ପାଇଥିବା ବେଳେ ପୂର୍ବରୁ ଖଞ୍ଜାଯାଇଥିବା ବୋମାଗୁଡିକୁ ବର୍ତ୍ତମାନ ଉଦ୍ଧାର କରାଯାଉଛି ବୋଲି ଏସପି କହିଛନ୍ତି।