ଫୁଲବାଣୀ: କନ୍ଧମାଳ ଜିଲ୍ଲା ସଦର ଥାନା ଅନ୍ତର୍ଗତ ବାଣାମେରୁ ଗାଁରେ ଏକ ଦୁଃଖଦ ଘଟଣା ଘଟିଛି। ଗତକାଲି ବିଳମ୍ୱିତ ରାତିରେ ଗାଁର କୁବେର କହଁରଙ୍କ ସ୍ତ୍ରୀ ରୁକୁଣୀ ଓ ତାଙ୍କ ୩ ମାସର ଶିଶୁ ପୁତ୍ରର ସାପ କାମୁଡ଼ାରେ ମୃତ୍ୟୁ ଘଟିଛି।
ମା’ ଓ ଶିଶୁ ପୁତ୍ରଙ୍କୁ ଫୁଲବାଣୀ ଜିଲ୍ଲା ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ।
ଗତକାଲି ରାତିରେ କୁବେର କହଁରଙ୍କ ସ୍ତ୍ରୀ ଓ ତାଙ୍କ ୩ ମାସର ଶିଶୁ ପୁତ୍ର ଖାଇ ସାରି ଶୋଇଥିବା ବେଳେ କୁବେରଙ୍କ ସ୍ତ୍ରୀଙ୍କୁ ଏକ ବିଷଧର ସାପ କାମୁଡି ଦେଇଥିଲା। ମା’ ନିକଟରେ ଶୋଇଥିବା ୩ ମାସର ଶିଶୁ ପୁତ୍ର ସ୍ତନ୍ୟପାନ କରିଥିବାରୁ ବିଷକ୍ରିୟା ଯୋଗୁଁ ତାର ମଧ୍ୟ ମୃତ୍ୟୁ ହୋଇଥିବା ସନ୍ଦେହ କରାଯାଉଛି ।
ଏହି ଘଟଣା ପରେ ବାଣାମେରୁ ଗାଁରେ ଶୋକର ଛାୟା ଖେଳିଯାଇଛି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।