ଭୁବନେଶ୍ୱର(ଓଡ଼ିଶା ରିପୋର୍ଟର): ରାଜଧାନୀ ଭୁବନେଶ୍ୱରରେ ଚାଲିଥିଲା ଜୁଆ ଖେଳ। ଏ ସମ୍ପର୍କରେ କମିଶନରେଟ୍ ପୋଲିସ ଜାଣିପାରି ଦୁଇଟି ସ୍ଥାନରେ ଚଢ଼ାଉ କରି ୮ଜଣଙ୍କୁ ଗିରଫ କରିଥିବା ସହିତ ନଗଦ ୧୫,୦୦୦ ରୁ ଅଧିକ ଟଙ୍କା ଜବତ କରିଛି।
ଆଜି ୟୁନିଟ-୧ ହାଟ ନିକଟରେ ଜୁଆ ଖେଳ ଚାଲିଥିଲା। ଏ ସମ୍ପର୍କରେ ପୋଲିସ ଜାଣିପାରି ଚଢ଼ାଉ କରି ୪ ଜଣଙ୍କୁ ଗିରଫ କରିଛି। ଗରିଫ ଅଭିଯୁକ୍ତମାନେ ହେଲେ କାକଟପୁର ଅଞ୍ଚଳର ପ୍ରତାପ ସାହୁ, କଟକ ଜିଲ୍ଲା ତିଗିରିଆର ବିଷ୍ଣୁଚରଣ ସାହୁ, ବାଙ୍କି ଅଞ୍ଚଳର ଚୈତନ୍ୟ ସ୍ୱାଇଁ ଓ ନୟାଗଡ଼ ଜିଲ୍ଲା ରଣପୁର ଥାନା ରାଜରାନପୁରର ପୂର୍ଣ୍ଣଚନ୍ଦ୍ର ବେହେରା। ପୋଲିସ ସେମାନଙ୍କଠାରୁ ୨ଟି ତାସ୍ ପ୍ୟାକେଟ ଓ ନଗଦ ୧୩,୦୦୦ ଟଙ୍କା ଜବତ କରିଛି।
ସେହିପରି ଖାରବେଳନଗର ଥାନା ପଛପଟେ ହରିଜନ ବସ୍ତିରେ ଜୁଆ ଖେଳ ଚାଲିଥିଲା। ଏ ସମ୍ପର୍କରେ ପୋଲିସ ଜାଣିପାରି ଚଢାଉ କରି ୪ ଜଣଙ୍କୁ ଗିରଫ କରିଥିଲେ। ଜୁଆଡିଙ୍କଠାରୁ ପୋଲିସ ଦୁଇ ହଜାର ଟଙ୍କା ଜବତ କରିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।