କୋରାପୁଟ (ସୂର୍ଯ୍ୟ ପଣ୍ଡା): କଣ୍ଟେନରରେ ଗଞ୍ଜେଇ ନେଇ ଯାଉଥିଲେ। ପୁଲିସ୍ ପିଛା କରିବାରୁ ଚଳନ୍ତା ଗାଡ଼ିରୁ ଡ୍ରାଇଭର ଓ ହେଲପର ଡେଇଁ ପଡ଼ି ଛୁ ମାରିଲେ। ଏଭଳି ଘଟଣା କୋରାପୁଟ ଜିଲ୍ଲାରେ ଘଟିଛି।
ମିଳିଥିବା ସୂଚନା ଅନୁସାରେ, ଗତକାଲି ସନ୍ଧ୍ୟାରେ କୋରାପୁଟ ଦେଇ ଏକ କଣ୍ଟେନରରେ ଗଞ୍ଜେଇ ଚୋରାଚାଲାଣ ହେଉଥିବା ସେମିଳିଗୁଡ଼ା ପୁଲିସ କୌଣସି ସୂତ୍ରରୁ ଖବର ପାଇଥିଲା। ପରେ ସେହି ଗାଡ଼ିକୁ ପିଛା କରିଥିଲା। ତେବେ ଜିଲ୍ଲାର ୨୬ ନମ୍ବର ଜାତୀୟ ରାଜପଥର ମାଳି ଡୋଳିଆମ୍ବ ନିକଟରେ ଚଳନ୍ତା ଗାଡିରୁ ଡ୍ରାଇଭର ଓ ହେଲପର ଡିଆଁ ମାରି ଛୁ ମାରିଥିଲେ। ପରେ ପଛରେ ଯାଉଥିବା ପୁଲିସ୍ ଜିପ୍ଟି ଚଳନ୍ତା କଣ୍ଟେନର ସହ ପିଟି ହୋଇଯାଇଥିଲା। ଏଥିରେ ଦୁଇ ଜଣ ପୁଲିସ୍ କର୍ମଚାରୀ ଆହତ ହୋଇଥିଲେ। ପରେ କଣ୍ଟେନରରୁ ୧୬ କୁଇଣ୍ଟାଲ ୪୦ କେଜି ଗଞ୍ଜେଇ ଜବତ ହୋଇଥଲା। ପୁଲିସ୍ ଗାଡିକୁ ଜବତ କରିବା ସହ ଘଟଣାର ତଦନ୍ତ କରୁଛି।
ଲକ୍ଡାଉନ୍ ବେଳେ ମାଲବାହୀ ଗାଡ଼ି ଚଳାଚଳ ପାଇଁ ଅନୁମତି ମିଳିଛି । ହେଲେ ନିଶା ବ୍ୟବସାୟୀମାନେ ପୁଲିସ୍ ଆଖିରେ ଧୂଳି ଦେବା ପାଇଁ ଏଥିରେ ଗଞ୍ଜେଇ ଚୋରାଚାଲାଣ କରୁଥିବା ଜଣାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।