ସୁନ୍ଦରଗଡ଼(ଓଡ଼ିଶା ରିପୋର୍ଟର):ଆଗକୁ ଆସୁଛି ପାର୍ବଣର ଋତୁ । ମାହୋଲ ଏବେଠାରୁ ସରଗରମ ହେଲାଣି। ତା’ପୂର୍ବରୁ ଗଣେଶ ପୂଜା ମଧ୍ୟ ଆରମ୍ଭ ହୋଇଯିବ। ପୂଜା ପର୍ବକୁ ଧୁମଧାମରେ ପାଳିବାକୁ ଜୋରସୋରରେ ଉଦ୍ୟମ ଚଳାଇଛନ୍ତି ଅନେକ ଅନୁଷ୍ଠାନ । ବିଭିନ୍ନ ମଣ୍ଡପରେ ପୂଜା ପାଇଁ ମଧ୍ୟ ଆରମ୍ଭ ହୋଇଗଲାଣି ପ୍ରସ୍ତୁତି । ଏଥିପାଇଁ ଚାନ୍ଦା ଆଦାୟ ମଧ୍ୟ ଆରମ୍ଭ ହୋଇଗଲାଣି। ତେବେ ଅନେକ ସମୟରେ ପୂଜା କମିଟି ପକ୍ଷରୁ ଜୋରଜବରଦସ୍ତ ଚାନ୍ଦା ଆଦାୟ ହେଉଥିବା ଅଭିଯୋଗ ଆସୁଛି ।
ଜୋରଜବରଦସ୍ତି ଚାନ୍ଦା ଆଦାୟ ଧାରା ୩୮୪/୩୮୬/୩୮୭/୩୯୨/୩୯୪ ଏବଂ ଧାରା ୩୯୫ IPC ଅନୁସାରେ ଦଣ୍ଡନୀୟ ଅପରାଧ ଅଟେ I ଜିଲ୍ଲାବIସିଙ୍କୁ ଅନୁରୋଧ...ଯଦି କେହି ଆପଣମାନଙ୍କୁ ଜୋରଜବରଦସ୍ତି ପୂଜା ନାରେ ଚIନ୍ଦI ମାଗେ କିମ୍ବା ଏପରି ଘଟଣI ନଜର କୁ ଆସେ ତାହାହେଲେ ନିକଟସ୍ଥ ପୋଲିସ ଷ୍ଟେସନ କୁ ସଙ୍ଗେସଙ୍ଗେ ଜଣIନ୍ତୁ @DGPOdisha @odisha_police
— SUNDARGARH POLICE (@spsundargarh) August 29, 2019
ଏହାକୁ ଦୃଷ୍ଟିରେ ରଖି ସୁନ୍ଦରଗଡ଼ ଏସ୍ପିଙ୍କ ପକ୍ଷରୁ ଆଡଭାଇଜରୀ ଜାରି କରାଯାଇଛି । ପୂଜା ନାଁରେ କେହି ଜୋରଜବରଦସ୍ତ ଚାନ୍ଦା ଆଦାୟ କଲେ ପୁଲିସକୁ ଜଣାଇବା ପାଇଁ ସୁନ୍ଦରଗଡ଼ ଏସ୍ପି ପକ୍ଷରୁ ଟ୍ୱିଟ୍ କରାଯାଇଛି। ଟ୍ୱିଟ୍ରେ କୁହାଯାଇଛି ଯେ, ଜୋରଜବରଦସ୍ତି ଚାନ୍ଦା ଆଦାୟ ଧାରା ୩୮୪/୩୮୬/୩୮୭/୩୯୨/୩୯୪ ଏବଂ ଧାରା ୩୯୫ IPC ଅନୁସାରେ ଦଣ୍ଡନୀୟ ଅପରାଧ ।
ଯଦି କେହି ଆପଣମାନଙ୍କୁ ଜୋରଜବରଦସ୍ତି ପୂଜା ନାମରେ ଚାନ୍ଦା ମାଗେ କିମ୍ବା ଏପରି ଘଟଣା ନଜରକୁ ଆସେ ତା’ହେଲେ ନିକଟସ୍ଥ ପୋଲିସ ଷ୍ଟେସନକୁ ଜଣାଇବାକୁ ଅନୁରୋଧ କରାଯାଇଛି। ଏହି ଟ୍ୱିଟ୍ଟି ଡଜିପି ଓଡ଼ିଶାକୁ ଟ୍ୟାଗ୍ କରାଯାଇଛି। ଏବେ ସୁନ୍ଦରଗଡ଼ରେ ଏସପି ସୌମ୍ୟା ମିଶ୍ରା ଅଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
