ପ୍ରଚଳିତ ଟୋଲ୍ ବ୍ୟବସ୍ଥାକୁ ବିରୋଧ: ଚତୁର୍ଥ ଦିନରେ ଦେଶବ୍ୟାପୀ ଟ୍ରକ୍ ଧର୍ମଘଟ

ଭୁବନେଶ୍ୱର: ପ୍ରଚଳିତ ଟୋଲ୍ ବ୍ୟବସ୍ଥାକୁ ବିରୋଧ କରି ଦେଶବ୍ୟାପୀ ଚାଲିଥିବା ଅନିର୍ଦ୍ଦିଷ୍ଟକାଳୀନ ଟ୍ରକ୍ ଧର୍ମଘଟର ଆଜି ଚତୁର୍ଥ ଦିନ। ଚକାବନ୍ଦ ଯୋଗୁଁ ମାଲ ପରିବହନ ସମ୍ପୂର୍ଣ୍ଣ ଠପ୍ ହୋଇଯାଇଛି। ବିଭିନ୍ନ ସ୍ଥାନରେ ଅତ୍ୟାବଶ୍ୟକ ଦ୍ରବ୍ୟ ପହଞ୍ଚି ପାରୁନି। ଫଳରେ ଅତ୍ୟାବଶ୍ୟକ ସାମଗ୍ରୀର ଦର ବୃଦ୍ଧି ଆଶଙ୍କା ଉପୁଜିଲାଣି। ଓଡ଼ିଶାକୁ ୯୦ ପ୍ରତିଶତରୁ ଅଧିକ ସାମଗ୍ରୀ ବାହାର ରାଜ୍ୟରୁ ଆସୁଥିବାରୁ ଏସବୁ ଧିରେ ଧିରେ ଶେଷ ହେବାକୁ ବସିଲାଣି। ଯେତିକି ଷ୍ଟକ ରହିଛି ତାହା ଦିନେ ଦୁଇଦିନ ଭିତରେ ଶେଷ ହୋଇଯିବ।