ପୁରୀରେ ୧୫୯ ମଣ୍ଡିରେ ଆଜିଠାରୁ କିଣାଯିବ ଧାନ: ଖାଦ୍ୟ ଯୋଗାଣ ମନ୍ତ୍ରୀ

ପୁରୀ: ଜିଲ୍ଲାରେ ଅଭାବୀ ଧାନ ବିକ୍ରି ରୋକିବାକୁ ଆଜିଠାରୁ ୧୫୯ଟି ମଣ୍ଡି ଖୋଲୁଛି। ୭ ଦିନ ମଧ୍ୟରେ ଆଉ ୬ଟି ମଣ୍ଡି ଖୋଲାଯିବ। ପୁରୀ ସର୍କିଟ ହାଉସରେ ଧାନକିଣା ସମ୍ପର୍କିତ ଏକ ସମୀକ୍ଷା ବୈଠକରେ ଯୋଗଦେଇ ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ମନ୍ତ୍ରୀ ସଞ୍ଜୟ ଦାସବର୍ମା ଏହା କହିଛନ୍ତି। ଚଳିତ ଖରିଫ ଋତୁରେ ଜିଲ୍ଲାରେ ୪ଲକ୍ଷ ୪୧ହଜାର କୁଇଣ୍ଟାଲ ଧାନ କିଣାଯିବାକୁ ସ୍ଥିର ହୋଇଛି। ଏଥିପାଇଁ ୮ହଜାର ୫୯୬ ଜଣ ଚାଷୀଙ୍କ ନାଁ ପଞ୍ଜୀକୃତ ହୋଇଛି।

ଅନ୍ୟପଟେ ଯୋଗ୍ୟ ହିତାଧିକାରୀ କିପରି ଖାଉଟି କାର୍ଡ ପାଇପାରିବେ ତା’ ଉପରେ ଗୁରୁତ୍ୱ  ଦେବାକୁ ଜିଲ୍ଲାପାଳଙ୍କୁ ନିର୍ଦ୍ଦେଶ ଦିଆଯିବା ସହ ଅଯୋଗ୍ୟ ହିତାଧିକାରୀ ଚିହ୍ନଟ ପାଇଁ ଯାଞ୍ଚ ପ୍ରକ୍ରିୟା ଜାରି ରହିଥିବା ମନ୍ତ୍ରୀ କହିଛନ୍ତି। ବୈଠକରେ ଜିଲ୍ଲାପାଳ ଅରବିନ୍ଦ ଅଗ୍ରୱାଲ, ରାଜ୍ୟ ଯୋଗାଣ ନିଗମ ପରିଚାଳନା ନିର୍ଦ୍ଦେଶକ ନିରଞ୍ଜନ ନାୟକ, ଅତିରିକ୍ତ ଜିଲ୍ଲାପାଳ, ଉପ ଜିଲ୍ଲାପାଳ, ଜିଲ୍ଲା ଯୋଗାଣ ଅଧିକାରୀ ପ୍ରମୁଖ ଯୋଗଦେଇଥିଲେ।