ବିନିକା (ଓଡ଼ିଶା ରିପୋର୍ଟର): ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ଥାନା ଅନ୍ତର୍ଗତ ବେହେରାମାଲ ପଞ୍ଚାୟତ ଲଙ୍ଗଳକଣ୍ଟା ଗାଁ ନିକଟରେ ଭୟାବହ ଅଗ୍ନିକାଣ୍ଡ ଘଟିଛି। ମେଗା ପାଣି ପ୍ରୋଜେକ୍ଟ ପାଇଁ ଗଚ୍ଛିତ ଥିବା RWSSର କୋଟି କୋଟି ଟଙ୍କାର ପାଇପ୍ ଜଳି ପାଉଁଶ ହୋଇଯାଇଛି।
ନିଆଁ ଲିଭାଇବା ପାଇଁ ୩ଟି ଦମକଳ ବାହିନୀ ନିୟୋଜିତ ହୋଇଛନ୍ତି। ଏକ ଘଣ୍ଟା ହେବ ଅଗ୍ନିଶମ କର୍ମଚାରୀ ନିଆଁ ଲିଭାଇବା ପାଇଁ ଉଦ୍ୟମ ଚଳାଇଥିଲେ ମଧ୍ୟ ନିଆଁକୁ ଆୟତ୍ତ କରି ପାରି ନାହାନ୍ତି।
ମେଗା ପାଣି ପ୍ରୋଜେକ୍ଟ ପାଇଁ RWSS କୋଟି କୋଟି ଟଙ୍କାର ପାଇପ ଲଙ୍ଗଳକଣ୍ଟା ଗାଁ ନିକଟରେ ରଖାଯାଇଥିଲା। କେହି ଜଣେ ବ୍ୟକ୍ତି ବିଲରେ ନଡ଼ା ପୋଡ଼ିବା ପାଇଁ ନିଆଁ ଲଗାଇ ଦେଇଥିବା ବେଳେ ଏହି ନିଆଁ ବିଲ ନିକଟରେ ରଖାଯାଇଥିବା ପାଇପରେ ଲାଗିଯାଇଥିଲା। ଫଳରେ ପାଇପ ଗୁଡିକ ପୋଡ଼ି ଯାଇଥିଲା।
ରାମପୁର ଓ ଡୁଙ୍ଗୁରିପାଲି ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିବାକୁ ଚେଷ୍ଟା କରୁଥିଲେ ମଧ୍ୟ ଏପର୍ଯ୍ୟନ୍ତ ନିଆଁ ଲିଭାଇବାରେ ସକ୍ଷମ ହୋଇନାହାନ୍ତି। ନିଆଁର ପ୍ରକୋପ ଏତେ ରହିଛି ଯେ ନିଆଁ ଲିଭାଇବା କଷ୍ଟକର ହୋଇପଡ଼ିଛି। ନିକଟରେ କୌଣସି ଜଳଉତ୍ସ ନ ଥିବାରୁ ଅଗ୍ନିଶମ କର୍ମଚାରୀଙ୍କୁ ନିଆଁ ଲିଭାଇବା ପାଇଁ ଅସୁବିଧା ହେଉଛି। ସ୍ଥାନୀୟ ଲୋକ ମଧ୍ୟ ନିଆଁ ଲିଭା କାର୍ଯ୍ୟରେ ଲାଗି ପଡ଼ିଛନ୍ତି। ଆଜି ଦିନ ପ୍ରାୟ ୧୦ଟା ସମୟରେ ନିଆଁ ଲାଗିଥିବା ସୂଚନା ମିଳିଛି।
ବିନିକା: ଡୁଙ୍ଗୁରିପାଲି ବେହେରାମାଲ ପଞ୍ଚାୟତ ଲଙ୍ଗଳକଣ୍ଟା ଗାଁରେ ଅଗ୍ନିକାଣ୍ଡ, ବିଲ ନିଆଁରୁ ଜଳିଗଲା ମେଗା ପ୍ରୋଜେକ୍ଟ ପାଇଁ ଗଚ୍ଛିତ କୋଟି କୋଟି ଟଙ୍କାର ପାଣି ପାଇପ, ବିଲରେ ନଡ଼ା ପୋଡ଼ିବା ପାଇଁ କେହି ନିଆଁ ଲଗାଇଥିବା ସନ୍ଦେହ #Odisha pic.twitter.com/eRvFdblChq
— Odisha Reporter (@OdishaReporter) June 12, 2022
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
