ରାଜ୍ୟରେ ଶୀତର ଲହରୀ: ଦାରିଙ୍ଗବାଡ଼ିରେ ସର୍ବନିମ୍ନ ତାପମାତ୍ର ୨ ଡିଗ୍ରୀ ସେଲସିୟସ

ଭୁବନେଶ୍ୱର: ପୁଣି ଦୁଇ ସପ୍ତାହ ପରେ ରାଜ୍ୟରେ ଶୀତର ପ୍ରକୋପ ବଢିଛି। ହାଡ଼ଭଙ୍ଗା ଶୀତରେ ସାରା ରାଜ୍ୟ ଥରୁଛି। ଏପରି କି ଦାରିଙ୍ଗବାଡି ଓ ଜି. ଉଦୟଗିରିରେ ଆଜି ତୁଷାରପାତ ହୋଇଛି। ରାଜ୍ୟରେ କନ୍ଧମାଳ ସବୁଠାରୁ ଥଣ୍ଡା ଜିଲ୍ଲାରେ ପରିଣତ ହୋଇଛି। ଜିଲ୍ଲାର ଦାରିଙ୍ଗବାଡିରେ ସର୍ବନିମ୍ନ ତାପମାତ୍ରା ୨ ଡିଗ୍ରୀ ସେଲସିୟସ ରେକର୍ଡ କରାଯାଇଛି।

ସେହିପରି ରାଜ୍ୟରେ ବହୁ ଜିଲ୍ଲାର ତାପମାତ୍ରା ୧୦ଡିଗ୍ରୀ ତଳକୁ ରେକର୍ଡ କରାଯାଇଛି। ସୁନ୍ଦରଗଡ଼ରେ ସର୍ବନିମ୍ନ ତାପମାତ୍ରା ୫.୫ ଡିଗ୍ରୀ ରେକର୍ଡ କରାଯାଇଥିବା ବେଳେ ଟିଟିଲାଗଡ଼ରେ ୬.୫, ଝରସୁଗୁଡା, ଅନୁଗୋଳରେ ୬.୬ ଡିଗ୍ରୀ ସେଲସିୟସ ରାକର୍ଡ କରାଯାଇଛି। ହୀରାକୁଦରେ ୭.୩, କେନ୍ଦୁଝରରେ ୭.୫, ବଲାଙ୍ଗିର ଓ କୋରାପୁଟରେ ୮ ଡିଗ୍ରୀ, ସମ୍ବଲପୁରରେ ୮.୩, ଭବାନୀପାଟଣାରେ ୮.୭, ବାରିପଦାରର ତାପମାତ୍ରା ୯ ଡିଗ୍ରୀ ସେଲସିୟସ ରହିଛି।

ସେହିପରି ବାଲେଶ୍ୱର, ଭଦ୍ରକ, କଟକ, ପାରାଦୀପ, ଭୁବନେଶ୍ୱର, ଗୋପାଳପୁର, ପୁରୀ, ତାଳଚେର, ମାଲକାନଗିରିରେ ତାପମାତ୍ରା ୧୦ ଡିଗ୍ରୀ ଉପରେ ରହିଛି। ବାଲେଶ୍ୱରରେ ସର୍ବନିମ୍ନ ତାପମାତ୍ରା ୧୦.୩, ତାଲଚେରରେ ୧୦.୩, ଚାନ୍ଦବାଲିରେ ୧୧.୬, କଟକରେ ୧୧.୮, ଭୁବନେଶ୍ୱରରେ ୧୩.୩, ଗୋପାଳପୁରରେ ୧୩.୫, ପାରାଦୀପରେ ୧୩.୮, ଓ ମାଲକାନଗିରିରେ ୧୪.୮ ଡିଗ୍ରୀ ସେଲସିୟସ ରହିଛି।