ରମାଦେବୀ ଛାତ୍ରୀଙ୍କୁ ତାଲା ପକାଇବା ଘଟଣା: ମାନବାଧିକାର କମିଶନଙ୍କୁ ରିପୋର୍ଟ ଦେଲେ ଡିସିପି, କହିଲେ ଅଭିଯୋଗ ମିଛ

ଭୁବନେଶ୍ୱର: ରମାଦେବୀ ମହିଳା ବିଶ୍ୱବିଦ୍ୟାଳୟ କ୍ୟାମ୍ପସରେ ଛାତ୍ରୀଙ୍କୁ ଅଟକ ଘଟଣା ମିଥ୍ୟା ବୋଲି ଭୁବନେଶ୍ୱର ଡିସିପି ସତ୍ୟବ୍ରତ ଭୋଇ ଶୁକ୍ରବାର ରାଜ୍ୟ ମାନବାଧିକାର କମିଶନଙ୍କୁ ଦେଇଥିବା ରିପୋର୍ଟରେ ଦର୍ଶାଇଛନ୍ତି। ତେବେ ଡିସିପିଙ୍କ ରିପୋର୍ଟ ଉପରେ ଜବାବ ରଖିବା ପାଇଁ ଅଭିଯୋଗକାରୀ ଛାତ୍ରୀଙ୍କୁ କମିଶନ ନିର୍ଦ୍ଦେଶ ଦେଇଛନ୍ତି। ଫେବୃଆରୀ ୨୬ ତାରିଖ ମଧ୍ୟରେ ପକ୍ଷ ରଖିବା ପାଇଁ କମିଶନ ମହଲତ ଦେଇଛନ୍ତି । ୨୦୧୫ ଡିସେମ୍ୱର ୩ରେ ବିଶ୍ୱବିଦ୍ୟାଳୟ ପ୍ରତିଷ୍ଠା ଦିବସ ଉତ୍ସବ ପାଳନ ବେଳେ କିଛି ଛାତ୍ରୀଙ୍କୁ ତାଲା ପକାଇ ଅଟକ ରଖାଯାଇଥିବା ଅଭିଯୋଗ ହୋଇଥିଲା।