କଲ୍ୟାଣସିଂହପୁର: ରାୟଗଡ଼ା ଜିଲ୍ଲା କଲ୍ୟାଣସିଂହପୁର ବ୍ଲକ୍ ନିୟମଗିରି ସ୍ଥିତ ପାରସାଲିରେ ମାଓ ପୋଷ୍ଟର ଓ ବ୍ୟାନର ଦେଖିବାକୁ ମିଳିଛି। ଡଙ୍ଗରିଆ କନ୍ଧ ଉନ୍ନୟନ ସଂସ୍ଥା ଓ ପଞ୍ଚାୟତ କାର୍ଯ୍ୟାଳୟ ସମ୍ମୁଖରେ ଏହି ପୋଷ୍ଟର ଗୁଡ଼ିକ ଲଗାଯାଇଛି। ଏଥିରେ ନୂଆ ସଙ୍ଗଠନ ସିପିଆଇ ମାଓବାଦୀ ବାଘୁନା ଡିଭିଜନାଲ୍ କମିଟି ବୋଲି ଉଲ୍ଲେଖ ରହିଛି। ଆସନ୍ତା ୨୮ରୁ ୩ ତାରିଖ ପର୍ଯ୍ୟନ୍ତ ସହିଦ୍ ଦିବସ ପାଳନ କରିବାକୁ ପୋଷ୍ଟରରେ ଆହ୍ୱାନ ଦିଆଯାଇଛି।
କନ୍ଧମାଳ ଜିଲ୍ଲାର ଗୁମୁଡୁମାହା, ରାୟଗଡ଼ା ନିୟମଗିରି ଡଙ୍ଗାମାଟି ଓ କଳାହାଣ୍ଡି ଜିଲ୍ଲାର ନିସାନି ଗୁଡ଼ା ଓ ପାଙ୍ଗପଦରର ପୋଲିସ୍ ଏନ୍କାଉଣ୍ଟରକୁ ପୋଷ୍ଟରରେ ନିନ୍ଦା କରାଯାଇଛି। ଏହାସହିତ ଏସ୍ଓଜି, ସିଆରପିଏଫ୍ ଓ ବିଏସ୍ଏଫ୍କୁ ପ୍ରତ୍ୟାହାର ପାଇଁ ଦାବି କରାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
