ବିଭିନ୍ନ ବ୍ରାଣ୍ଡର ୩୦ ହଜାର ଲିଟର ନକଲି ତେଲ ଜବତ

କଟକ(ଓଡ଼ିଶା ରିପୋର୍ଟର): କଟକ ସଦର ଥାନା ଅନ୍ତର୍ଗତ ଫୁଲନଖରାର ବମ୍ଫକୁଦ ଅଞ୍ଚଳରୁ ଏକ ନକଲି ତେଲ କାରଖାନା ଠାବ କରାଯାଇଛି। ସେଠାରୁ ୩୦ ହଜାର ଲିଟର ଖାଇବା ତେଲ ଜବତ କରାଯାଇଛି। ପାଓ୍ୱାର, ସିପ୍, ଖୁସି ଗୋଲ୍ଡ ଓ ଓମ୍‌ ଆଦି ବିଭିନ୍ନ ବ୍ରାଣ୍ଡର କମ୍ପାନୀର ଲୋଗ ଲଗାଯାଇ ନକଲି ତେଲକୁ ଅନୁଗୋଳ, ଢେଙ୍କାନାଳ, କେନ୍ଦ୍ରାପଡ଼ା, ଭଦ୍ରକ ଓ କଟକ ସହ ବାହାର ରାଜ୍ୟକୁ ଚାଲାଣ କରାଯାଉଥିବା ସୂଚନା ମିଳିଛି ।

ଘଟଣାସ୍ଥଳରୁ ପୁଲିସ ଏକ ଟ୍ରକ୍‌କୁ ଜବତ କରିଛି। ଏହି ଘଟଣାରେ ଦୁଇଜଣଙ୍କୁ ଅଟକ ରଖି ପୁଲିସ ପଚରାଉଚରା କରୁଛି।

ସୂଚନାଯୋଗ୍ୟ, ବମ୍ଫକୁଦ ଅଞ୍ଚଳରେ ନକଲି ତେଲ କାରଖାନା ଥିବା ପୁଲିସ୍‌ କୌଣସି ସୂତ୍ରରୁ ଖବର ପାଇଥିଲା ଓ ଆଜି ସକାଳେ ସେହି ଅଞ୍ଚଳରେ ଚଢ଼ଉ କରିଥିଲା।