ଧ୍ୱଂସାବଶେଷ ତଳୁ ମିଳିଲା ଶିବ ତୀର୍ଥ ମଠର ୧୬ ସମାଧୀ

ଭୁବନେଶ୍ୱର(ଓଡ଼ିଶା ରିପୋର୍ଟର): ପୁରୁଣା ଭୁବନେଶ୍ୱରରେ ଉଚ୍ଛେଦ କାମ ଚାଲିଥିବା ବେଳେ ଶିବ ତୀର୍ଥ ମଠର ୧୬ଟି ସମାଧୀ ଠାବ ହୋଇଛି। ଏହି ସମାଧୀ ମିଳିବା ପରେ ସ୍ଥାନୀୟ ଅଞ୍ଚଳର ଲୋକଙ୍କ ଠାରୁ ଐତିହାସିକମାନେ ଏହାକୁ ଦେଖିବା ପାଇଁ ଆଗ୍ରହ ପ୍ରକାଶ କରିଛନ୍ତି। ଏଠାରେ ଏଭଳି ସମାଧୀ ସମ୍ପର୍କରେ ଐତିହାସିକ ତଥା ହେରିଟେଜ ବିଶେଷଜ୍ଞ ଅନୀଲ ଧୀର ଆରକେଲୋଜିକାଲ ସର୍ଭେ ଅଫ ଇଣ୍ଡିଆର ଅଧିକାରୀଙ୍କୁ ଗତମାସ ୧୬ ତାରିଖରେ ଅବଗତ କରାଇଥିଲେ।

ଏହି ସମାଧୀ ଗୁଡ଼ିକ ମାଟି ଓ ଗଛପତ୍ର ମଧ୍ୟରେ ପୋତି ହୋଇ ରହିଥିଲା। ଏହାକୁ ସମସ୍ତେ ଭୁଲି ଯାଇଥିବା ବେଳେ ଉଚ୍ଛେଦ ବେଳେ ଏହାର ଚାରିଖାଖକୁ ଭାଙ୍ଗି ଦିଆଯାଇଛି। ସାମାଧୀ ଆଗରେ ଥିବା ୬ଟି ବିଲଡିଂ ରହିଥିଲା। ଏହାକୁ ଭାଙ୍ଗିବାକୁ ଏହାର ମାଲିକମାନେ ଅନୁମତି ଦେଇଥିଲେ। ଯଦି ସମାଧୀଗୁଡ଼ିକ ଠିକ୍‌ ଭାବେ ଚିହ୍ନଟ ହୋଇପାରି ନଥାଆନ୍ତା, ତା’ହେଲେ ଧ୍ୱଂସାବଶେଷ ତଳେ ଏଗୁଡ଼ିକ ସବୁଦିନ ପାଇଁ ରହିଯାଇଥାନ୍ତା। ବର୍ତ୍ତମାନ ଏଠାରେ ଯେଉଁ ଉଚ୍ଛେଦ କାମ ଚାଲିଛି, ତାହା ବେଶ ନିୟନ୍ତ୍ରଣ ଢଙ୍ଗରେ ଚାଲିଛି। ସମାଧୀକୁ ଯେମିତି କ୍ଷତି ନ ପହଞ୍ଚିବ, ତା’ ଉପରେ ଗୁରୁତ୍ୱ ଦିଆଯାଇ ଥିଲା। ମାତ୍ର ଦୁଇ ଫୁଟ ଦୂରତାରୁ ହିଁ ଉଚ୍ଛେଦ କାମକୁ ବନ୍ଦ କରାଯାଇଥିଲା।

ଶ୍ରୀ ଧୀର କହିଛନ୍ତି, ଏହି ସମାଧୀ ଗୁଡ଼ିକ ସମ୍ଭବତଃ ଶିବ ତୀର୍ଥ ମଠର ମହନ୍ତଙ୍କର ହୋଇଥାଇପାରେ। ଏହି ସମାଧୀଗୁଡ଼ିକ ଗୋଟିଏ ଷ୍ଟ୍ରେଟ ଲାଇନରେ ରହିଛି। ଲିଙ୍ଗରାଜ ମନ୍ଦିର ଓ ମଠର ଇତିହାସ ସମ୍ପର୍କରେ ରେକର୍ଡ ରହିଛି। ମଠର ସମାଧୀ ଇତିହାସରେ ଅନେକ ଗୁରୁତ୍ୱ ବହନ କରେ। ମଠର ଉନ୍ନତିକରଣ କିମ୍ବା ଅନ୍ୟ କୌଣସି କାମ କରାଯାଏ, ତା’ହେଲେ ବି ଏହି ସମାଧୀଗୁଡ଼ିକୁ କେହି ବି ସ୍ପର୍ଶ କରନ୍ତି ନାହିଁ। ଏହି ସମାଧୀଗୁଡ଼ିକ ୧୨ଶ ଶତାବ୍ବୀରୁ ୨୦ତମ ଶତାବ୍ବୀ ଇତିହାର ଟାଇମଲାଇନ। ଏଥିରେ କିଛି ଛୋଟ ଶିବଲିଙ୍ଗ ରହିଛି। କିଛି ବର୍ଷ ତଳେ ଦୁଇଟି ଲିଙ୍ଗଙ୍କୁ କେହି ଚୋରି କରି ନେଇଥିଲେ।

ଆହୁରି ପଢ଼ନ୍ତୁ

ଗେହଲଟଙ୍କ ନିକମା ଶବ୍ଦରେ ଆଘାତ ପାଇଥିବା କହିଲେ ସଚିନ ପାଇଲଟ

ସୁପ୍ରିମକୋର୍ଟଙ୍କ ବଡ଼ ରାୟ: ନୂଆ ଆଇନ ପ୍ରଣୟନ ପୂର୍ବରୁ ବାପାଙ୍କ ମୃତ୍ୟୁ ହୋଇଥିଲେ ବି ଝିଅକୁ ମିଳିବ ସମ୍ପତ୍ତିର ଭାଗ

ବର୍ଷକ ପରେ ଜମ୍ମୁ-କଶ୍ମୀରକୁ ଫେରିବ ୪ଜି ଇଣ୍ଟରନେଟ ସେବା

ଦେଶରେ କରୋନା ମୃତ୍ୟୁସଂଖ୍ୟା ୪୫ ହଜାର ପାର, ଦିନକରେ ୮୭୧ ମୃତ

ରିୟା ଓ ଶ୍ରୁତିଙ୍କୁ ହ୍ୱାଟ୍ସଆପ୍‌ରେ ମେସେଜ୍ ପଠାଇଥିଲେ ସୁଶାନ୍ତଙ୍କ ବାପା, କରିଥିଲେ ଏମିତି ଅନୁରୋଧ

ନିୟା ଶର୍ମା ରାଜି!

ONGC ପାଇପ୍‌ଲାଇନ୍‌ରେ ଭୟାବହ ଅଗ୍ନିକାଣ୍ଡ

ଅଙ୍କିତା ବହୁତ ଖୁସି

ହ୍ୱାଇଟ୍ ହାଉସ୍ ବାହାରେ ଫୁଟିଲା ଗୁଳି

ଅସନ୍ତୋଷ ବଢ଼ିବା ପରେ ଆସିଲା ବିଜେଡିର ସାନି ତାଲିକା

ଭୟଙ୍କର ବିସ୍ଫୋରଣ, ମାଟିରେ ମିଶିଗଲା ଶତାଧିକ ଘର

ଲୋକଙ୍କ ସୁରକ୍ଷା ପାଇଁ ଢୁଢୁ ବର୍ଷାରେ ଗାତ ପାଖରେ ୭ ଘଣ୍ଟା ଛିଡ଼ା ହେଲେ ମହିଳା