ଏମିତି ଗଢ଼ା ଯାଉଛି ବଣ୍ଡା ପିଲାଙ୍କ ଭବିଷ୍ୟତ: ସ୍କୁଲ୍‌ର ଛପର ନାହିଁ, ହଷ୍ଟେଲ୍‌ରେ ଚାଲିଛି କ୍ଲାସ୍‌

<p>ମାଲକାନଗିରି (ଜିତେନ୍ଦ୍ର ବେଉରା): ବଣ୍ଡାମାନଙ୍କୁ ସମାଜର ମୁଖ୍ୟସ୍ରୋତରେ ସାମିଲ କରିବାକୁ ସରକାର ବହୁତ ଯୋଜନା କରିଛନ୍ତି। ତେବେ ମାଲକାନଗିରି ଜିଲ୍ଲା ମୁଦୁଲିପଡ଼ାରେ ବଣ୍ଡା ପିଲାଙ୍କ ପାଇଁ ଥିବା ସ୍କୁଲ୍&zwnj;ର ଅବସ୍ଥା ଦେଖିଲେ ଏହା ସ୍ପଷ୍ଟ ଭାବେ ଜାଣି ହେଉଛି ଯେ ଏମାନଙ୍କୁ ମୁଖ୍ୟସ୍ରୋତରେ ସାମିଲ କରିବା ପାଇଁ ସରକାର ପ୍ରକୃତରେ କେତେ ତତ୍ପର।</p><p>&lt;a href=&quot;&quot;&gt;(image) &lt;/a&gt;ମୁଦୁଲିପଡ଼ା ସ୍ଥିତ ବଣ୍ଡାଘାଟିରେ ଥିବା ସ୍କୁଲ୍&zwnj;ର ଛାତ ଉଡ଼ିଯାଇଛି। ଏତେତେଣେ ପଡ଼ି ରହିଛି ଆଜ୍&zwnj;ବେଷ୍ଟସ୍&zwnj;। ଗତ ମେ&rsquo; ମାସରୁ ସ୍କୁଲ୍&zwnj;ର ଏମିତି ଅବସ୍ଥା ହୋଇଛି। କାଳବୈଶାଖୀ ବର୍ଷାରେ ଉଡ଼ି ଯାଇଥିଲା ସ୍କୁଲ୍&zwnj;ର ଛାତ। &nbsp;ଏହା ମଧ୍ୟରେ ଦୁଇ ମାସ ବିତିଯାଇଛି। ହେଲେ ମରାମତି ହୋଇପାରିନି। ଫଳରେ ବାଧ୍ୟ ହୋଇ ହଷ୍ଟେଲ୍&zwnj;ରେ ପିଲାଙ୍କୁ ପାଠପଢ଼ା ଯାଉଛି।</p><p>&lt;a href=&quot;http://odishareporter.in/wp-content/uploads/2018/07/vlcsnap-6515-09-04-08h03m54s435.jpg&quot;&gt;(image) &lt;/a&gt;ହଷ୍ଟେଲ୍&zwnj; ଅବସ୍ଥା ବି କିଛି ଭଲ ନାହିଁ। ବର୍ଷା ହେଲେ କଥା ସରିଲା। ବର୍ଷା ହେଲେ ଛାତରୁ ପାଣି ଗଳେ ଓ ପାଠପଢ଼ାରେ ବାଧା ସୃଷ୍ଟି ହୁଏ। ହଷ୍ଟେଲ୍&zwnj;ରେ ରହୁଥିବା ପିଲାଏ ଏଥିପାଇଁ ବହୁତ ହଇରାଣ ମଧ୍ୟ ହେଉଛନ୍ତି।</p><p>ନରେଶ କିର୍ସାନୀ ନାମକ ଜଣେ ଛାତ୍ର କହିଛନ୍ତି,&ldquo;ବର୍ଷା ହେଲେ ହଷ୍ଟେଲ୍&zwnj; ଘରେ ପାଣି ପଶିଯାଉଛି। ତେଣୁ ପାଠ ପଢ଼ା ଠିକ୍&zwnj;ରେ ହୋଇପାରୁନି।&rdquo;</p><p>ଅନ୍ୟ ଜଣେ ଛାତ୍ର ସୋମନାଥ ମୁଦୁଲି କହିଛନ୍ତି, &ldquo;ଶ୍ରେଣୀଗୃହର ଅବସ୍ଥା ଭଲ ନାହିଁ। ହଷ୍ଟେଲ୍&zwnj;ରେ ବି ରହିବାକୁ ବହୁ ସମସ୍ୟା ହେଉଛି। ଜାଗା ହେଉ ନଥିବାରୁ ବହୁତ କଷ୍ଟରେ ରହୁଛୁ।&rdquo;</p><p>&lt;a href=&quot;http://odishareporter.in/wp-content/uploads/2018/07/vlcsnap-5128-01-10-16h49m48s297.jpg&quot;&gt;(image) &lt;/a&gt;ଶିକ୍ଷକ ଶିବ ପ୍ରସାଦ ନାୟକ କହିଛନ୍ତି, &ldquo;ଘରୁ ପାଣି ଗଳୁଛି। ଗୋଟିଏ ନଳକୂପ ଥିବାରୁ ସମସ୍ୟା ହେଉଛି। ପିଲାମାନେ ରହିବାକୁ ହଷ୍ଟେଲ୍&zwnj;ରେ ଆବଶ୍ୟକ କୋଠରୀ ନାହିଁ। ଉଚ୍ଚ କର୍ତ୍ତୃପକ୍ଷଙ୍କୁ ଅବଗତ କରିଛୁ। ସେ ଯାହା ପଦକ୍ଷେପ ନେବେ।&rdquo;</p><p>ମାଲକାନଗିରି ଉପଜିଲ୍ଲାପାଳ ଲିଙ୍ଗରାଜ ପଣ୍ଡା କହିଛନ୍ତି, &ldquo;ମୁଦୁଲିପଡ଼ା ସ୍କୁଲର ମରାମତି ପାଇଁ ବିଜୁ କେବିକେ ଯୋଜନାରେ ଅର୍ଥ ବରାଦ ହୋଇଛି। ଖୁବ୍&zwnj;ଶୀଘ୍ର ଏହାର ମରାମତି କରାଯିବ।&rdquo;</p><p>https://www.youtube.com/watch?v=_GivkGc9KFk</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।