ଭୁବନେଶ୍ୱର (ଓଡ଼ିଶା ରିପୋର୍ଟର): ତେଜିଲା କେନ୍ଦ୍ରାପଡ଼ା ବିଜେପି କନ୍ଦଳ। ଜିଲ୍ଲା ବିଜେପିର ସ୍ୱତନ୍ତ୍ର ନିମନ୍ତ୍ରିତ ସଦସ୍ୟ ପଦରୁ ଆଜି ବହିଷ୍କୃତ ହୋଇଛନ୍ତି ବରିଷ୍ଠ ନେତା ବିଜୟ ମହାପାତ୍ର। ଏହାଛଡ଼ା ବିଜୟ ଓ ତାଙ୍କ ସମର୍ଥକଙ୍କୁ ମଧ୍ୟ ଦଳରୁ ବହିଷ୍କାର କରିବା ଲାଗି ରାଜ୍ୟ ସଭାପତିଙ୍କୁ ସୁପାରିସ କରାଯାଇଛି। ଏନେଇ ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି କେନ୍ଦ୍ରାପଡ଼ା ଜିଲ୍ଲା ବିଜେପି ସଭାପତି ଦୁର୍ଯ୍ୟୋଧନ ସାହୁ।
ଏହାର ଜବାବ ରଖିଛନ୍ତି ବିଜୟ। ସେ କହିଛନ୍ତି-“ଦଳରୁ ବାହାର କରିବା ପାଇଁ ଯୋଜନାବଦ୍ଧ ଭାବେ ଚକ୍ରାନ୍ତ କରାଯାଉଛି। ଯଦି ମୁଁ ଗଲାପରେ ଦଳ ଶକ୍ତିଶାଳୀ ହେବ, ତାହାହେଲେ ଭଲ କଥା।”
ସେ ଆହୁରି କହିଛନ୍ତି-“ରାଜ୍ୟସ୍ତରୀୟ ନେତା ଷଡ଼ଯନ୍ତ୍ର କରୁଛନ୍ତି। ମିଛ କହିବା, ଅପପ୍ରଚାର କରିବା ବର୍ତ୍ତମାନ ମୂଳ ଏଜେଣ୍ଡା ହୋଇଛି। ଦଳର କାମ ଲୋକଙ୍କ ସ୍ୱାର୍ଥ ନୁହେଁ। ବିଜୟ ମହାପାତ୍ର ବିରୋଧରେ ଚକ୍ରାନ୍ତ ମୁଖ୍ୟ କାମ ହୋଇଛି।”
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।