ଭଡ଼ା ଘରେ ଏମିତି ଜମୁଥିଲା ଦେହ ବେପାର, ପୁଲିସ୍ ଭଣ୍ଡୁର କରିଦେଲା

ବ୍ରହ୍ମପୁର (ଓଡ଼ିଶା ରିପୋର୍ଟର): ବର୍ଷେ ଧରି ଭଡ଼ା ଘରେ ଚାଲିଥିଲା ଦେହ ବେପାର। ଗ୍ରାହକ ଆସୁଥିଲେ, ବେପାର ଜମୁଥିଲା। କିନ୍ତୁ ପୁଲିସ ଜାଣିପାରୁ ନଥିଲା। ଗତକାଲି ବ୍ରହ୍ମପୁରସ୍ଥିତ ବୈଦ୍ୟନାଥ ଥାନା ପୁଲିସ ଏହାର ପର୍ଦ୍ଦାଫାସ କରିଛି। ଉକ୍ତ ଘର ଉପରେ ଚଢ଼ାଉ କରି ୨ ଜଣ ଗ୍ରାହକଙ୍କ ସହ ମାଷ୍ଟରମାଇଣ୍ଡକୁ ଗିରଫ କରିଛି।

ପୁଲିସ ସୂଚନା ମୁତାବକ, ମାଷ୍ଟରମାଇଣ୍ଡ ହାତୀବଂଧ ସାହିରେ ଏକ ଭଡ଼ା ଘର ନେଇ ରହୁଥିଲେ। ସେ ସେଠାରେ ଯୁବତୀ ଓ ମହିଳାମାନଙ୍କୁ ଆଣି ଦେହ ବ୍ୟବସାୟ କରୁଥିଲେ। ପୁଲିସ କୌଣସି ସୂତ୍ରରୁ ସୂଚନା ପାଇ ଗତକାଲି ଆକସ୍ମିକ ଚଢ଼ଉ କରିଥିଲା। ଚଢ଼ଉ ବେଳେ ପୁଲିସ ଦୁଇ ଗ୍ରାହକଙ୍କ ସହ ମାଷ୍ଟରମାଇଣ୍ଡକୁ ବି ଗିରଫ କରିଥିଲା। ଘଟଣାସ୍ଥଳୁ ନଗଦ ଟଙ୍କା ଓ ୫ଟି ମୋବାଇଲ ଜବତ କରିଛି। ଚଢ଼ଉ ବେଳେ ଉକ୍ତ ଘରୁ ବହୁ ଆପତ୍ତିଜନକ ସାମଗ୍ରୀ ମଧ୍ୟ ଜବତ କରିଥିଲା ପୁଲିସ।

This website uses cookies to improve your experience. We'll assume you're ok with this, but you can opt-out if you wish. AcceptRead More