ଭୁବନେଶ୍ୱର: ରାଜ୍ୟରେ ପ୍ରବଳ ଶୀତଲହରୀ ଜାରି ରହିଛି। ଜାଡ଼ରେ ଥରୁଛି ସାରା ରାଜ୍ୟ। ଆଜି ରାଜ୍ୟର ୧୨ଟି ସହରର ତାପମାତ୍ରା ୧୦ ଡିଗ୍ରୀ ତଳେ ରହିଥିଲା। ଫୁଲବାଣୀରେ ତାପମାତ୍ରା ସବୁଠୁ କମ୍ ରହିଥିଲା। ଏଠାରେ ସର୍ବନିମ୍ନ ତାପମାତ୍ରା ୬ ଡିଗ୍ରୀ ରହିଥିଲା। ଏହା ପରେ ଅଧିକ ଶୀତ ଅନୁଭୂତ ହୋଇଥିଲା ଅନୁଗୋଳରେ। ଏଠାରେ ସର୍ବନିମ୍ନ ତାପମାତ୍ରା ୬.୬ ଡିଗ୍ରୀ ରେକର୍ଡ କରାଯାଇଥିଲା।
ସୁନ୍ଦରଗଡ଼ ଓ ହୀରାକୁଦରେ ତାପମାତ୍ରା ୭.୫ ଡିଗ୍ରୀ ରହିଥିବା ବେଳେ କେନ୍ଦୁଝରରେ ୭.୭, ଦାରିଙ୍ଗବାଡ଼ିରେ ୮, ସମ୍ବଲପୁରରେ ୮.୨, ଝାରସୁଗୁଡ଼ାରେ ୮.୪, କୋରାପୁଟରେ ୮.୪, ବାରିପଦାରେ ୯, ଢେଙ୍କାନାଳରେ ୯.୧ ଓ ବଲାଙ୍ଗିରରେ ୯.୭ ଡିଗ୍ରୀ ରହିଥିଲା।
ଟିଟିଲାଗଡ଼ ଓ ସୋନପୁରରେ ତାପମାତ୍ରା ସର୍ବନିମ୍ନ ୧୦ ଡିଗ୍ରୀ ରହିଥିଲା।
ଭୁବନେଶ୍ୱରରେ ତାପମାତ୍ରା ୧୧.୬ ଡିଗ୍ରୀ ରେକର୍ଡ କରାଯାଇଥିବା ବେଳେ କଟକରେ ୧୧ ଡିଗ୍ରୀ ରହିଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।