ମିକ୍ସଚର ଗ୍ରାଇଣ୍ଡର ଜାର୍‌ରେ ଫସିଗଲା ଢମଣା ସାପ

ଅନୁଗୁଳ (ଓଡ଼ିଶା ରିପୋର୍ଟର): ଅନୁଗୁଳ ଜିଲ୍ଲା ଛେଣ୍ଡିପଦା ବ୍ଲକର ବଗଡି ଗାଁରେ ଜଣେ ବ୍ୟକ୍ତିଙ୍କ ଅଗଣାରେ ପଡିଥିବା ଏକ ପରିତ୍ୟକ୍ତ ମିକ୍ସଚର ଗ୍ରାଇଣ୍ଡର ଜାର୍ ଭିତରେ ଏକ ଢମଣା ସାପଟି ଫସି ଯାଇଥିଲା। ଦୀର୍ଘ ସମୟ ପର୍ଯ୍ୟନ୍ତ ସାପଟି ବାହାରି ନ ପାରି  ଛଟପଟ ହେଉଥିବା ଦେଖି ପରିବାର ଲୋକେ  ସ୍ନେକ ହେଲ୍‌ପଲାଇନକୁ ଖବର ଦେଇଥିଲେ। ସ୍ନେକ୍ ହେଲ୍‌ପଲାଇନ ସଦସ୍ୟ ହିମାଂଶୁ ଶେଖର ଦେହୁରୀ ଘଟଣାସ୍ଥଳରେ ପହଞ୍ଚି ସାପଟିକୁ ଉଦ୍ଧାର କରିଥିଲେ।

ସେ ପ୍ରଥମେ ଏକ କଟର ସାହାଯ୍ୟରେ ପରିତ୍ୟକ୍ତ ମିକ୍ସଚର ଗ୍ରାଇଣ୍ଡର ଜଗଟିକୁ କାଟି ସାପଟିକୁ ବାହାର କରିଥିଲେ। ସାପଟି ଫସି ରକ୍ତାକ୍ତ ହୋଇଯାଇଥିବାରୁ ସୃଷ୍ଟି ହୋଇଥିବା କ୍ଷତ ସ୍ଥାନରେ ବ୍ୟାଣ୍ଡେଜ କରିଥିଲେ। ଆଜି ସାପଟିକୁ ସ୍ଥାନୀୟ ପ୍ରାଣୀ ଚିକିତ୍ସା ଲାଗି ନିଆଯିବ ବୋଲି ସୂଚନା ଦେଇଛନ୍ତି ସ୍ନେକ ହେଲ୍ପ ଲାଇନ୍ ସଦସ୍ୟ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।