ଭୁବନେଶ୍ୱର: ଫେକ୍ ପ୍ଲେସମେଣ୍ଟ ଦେଇ ୪୧୪ ପିଲାଙ୍କୁ ଠକିଥିବା ITER କଲେଜ କର୍ତ୍ତୃପକ୍ଷଙ୍କ ବିରୋଧରେ କାହିଁକି ହେଉନି କାଯର୍ୟାନୁଷ୍ଠାନ? ରାଜ୍ୟ ସରକାର ଏ ଘଟଣାରେ ନିରବ ରହିଥିବା ବେଳେ ପୋଲିସ କେବଳ ଦୁଇ ଜଣଙ୍କୁ ଗିରଫ କରିବା ପରେ କାହିଁକି ହାତ ଟେକି ଦେଇଛି ବୋଲି ପ୍ରଶ୍ନ କରିଛି ଛାତ୍ର କଂଗ୍ରେସ । ଶହ ଶହ ଛାତ୍ରଛାତ୍ରୀଙ୍କ ଭବିଷ୍ୟତ ସହ କଲେଜ କର୍ତ୍ତୃପକ୍ଷ ଖେଳ ଖେଳିଥିବା ଅଭିଯୋଗ କରିଛି ଛାତ୍ର କଂଗ୍ରେସ ।
ଏହି ଘଟଣାରେ ପୋଲିସ ବିଶ୍ୱବିଦ୍ୟାଳୟର ଜଣେ କର୍ମଚାରୀ ଓ ଦଲାଲଙ୍କୁ ଗିରଫ କରି ଚୁପ୍ ବସିଛି । ଏଇ ଠକେଇ ଘଟଣାରେ ବିଶ୍ୱବିଦ୍ୟାଳୟ ମାଲିକ ମନୋଜ ନାୟକଙ୍କୁ ତୁରନ୍ତ ଗିରଫ ପାଇଁ ବି ଦାବି କରିଛି ଛାତ୍ର କଂଗ୍ରେସ। ଆଜି ଭୁବନେଶ୍ୱରରେ ଏକ ସାମ୍ବାଦିକ ସମ୍ମିଳନୀରେ ଛାତ୍ର କଂଗ୍ରେସ ସଭାପତି ଇତୀଶ ପ୍ରଧାନ ଏହି ଦାବି କରିଛନ୍ତି । ଦାବି ପୂରଣ ନହେଲେ ଆସନ୍ତା ୨୩ ତାରିଖରେ କମିଶନରେଟ ପୋଲିସ କାର୍ୟାଳୟ ଘେରାଉ କରାଯିବ ବୋଲି ଛାତ୍ର କଂଗ୍ରେସ ପକ୍ଷରୁ ଚେତାବନୀ ଦିଆଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
