ରାଉରକେଲା (ଓଡ଼ିଶା ରିପୋର୍ଟର): ଗତବର୍ଷ ରାଉରକେଲାରୁ ସିମି ଆତଙ୍କବାଦୀ ଧରାପଡିବା ଘଟଣାରେ ଫାଇନାଲ ଚାର୍ଜସିଟ ଦାଖଲ କରିଛି କ୍ରାଇମବ୍ରାଞ୍ଚ ଏସଟିଏଫ୍। ରାଉରକେଲା ପାନପୋଷ ଏସ୍ଡିଜେଏମ୍ଙ୍କ କୋର୍ଟରେ ଏହି ଚାର୍ଜସିଟ ଦାଖଲ କରାଯାଇଛି। ୪ ସିମି ଆତଙ୍କବାଦୀଙ୍କ ସମେତ ଜଣେ ଆତଙ୍କବାଦୀର ମାଆ ଓ ସେମାନଙ୍କୁ ପାନ୍କାର୍ଡ଼ ଯୋଗାଇଥିବା ବ୍ୟକ୍ତିଙ୍କ ବିରୋଧରେ ଚାର୍ଜସିଟ ଦାଖଲ ହୋଇଛି। ଭୋପାଳ ଏନଆଇଏ ସମସ୍ତ ଆତଙ୍କବାଦୀଙ୍କୁ ପଚରାଉଚରା ପାଇଁ ରିମାଣ୍ଡରେ ନେଇଥିଲା। ଏପରିକି ଭୋପାଳ ସେଣ୍ଟ୍ରାଲ ଜେଲର ହେଡଓ୍ୱାଡରଙ୍କୁ ହତ୍ୟା କରି ୪ ଆତଙ୍କବାଦୀ ଜେଲରୁ ଫେରାର ହୋଇଯାଇଥିଲେ। ପରେ ମଧ୍ୟପ୍ରଦେଶ ପୋଲିସ ଏନକାଉଣ୍ଟରରେ ସମସ୍ତ ୪ ଆତଙ୍କବାଦୀଙ୍କ ମୃତ୍ୟୁ ଘଟିଥିଲା। ଯେହେତୁ ସମସ୍ତ ୪ ଆତଙ୍କବାଦୀଙ୍କ ମୃତ୍ୟୁ ଘଟିଛି, ସେମାନଙ୍କ ବିଚାର ପ୍ରକ୍ରିୟା ଆଉ ଆଗକୁ ଯିବ ନାହିଁ ବୋଲି ଏସଟିଏଫ୍ ଦର୍ଶାଇଛି। ତେବେ ଜଣେ ଆତଙ୍କବାଦୀଙ୍କ ମାଆ ନଜମା ବି. ଓ ପାନକାର୍ଡ ଯୋଗାଇଥିବା ନବୀନ ସାହୁଙ୍କ ବିରୋଧରେ ମାମଲା ଚାଲୁ ରହିବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
