ପୁରୀ (ଓଡ଼ିଶା ରିପୋର୍ଟର): କରୋନା ଟେଷ୍ଟକୁ ନେଇ ପୁରୀ ପେଣ୍ଠକଟାରେ ଉତ୍ତେଜନା ପ୍ରକାଶ ପାଇଛି। କରୋନା ସ୍ୱାବ୍ ରିପୋର୍ଟ ଦେଖିବାକୁ ଲୋକେ ଅଡ଼ି ବସିଛନ୍ତି। ରିପୋର୍ଟ ନ ଦେଖିବା ଯାଏ ହସ୍ପିଟାଲ ଯିବେ ନାହିଁ ବୋଲି କହିଛନ୍ତି।
ଅଭିଯୋଗ ଅନୁସାରେ, ଗତକାଲି ପେଣ୍ଠକଟାରୁ କିଛି ଲୋକ କରୋନା ପଜିଟିଭ ଚିହ୍ନଟ ହୋଇଥିଲେ। ଏହାପରେ ଗତକାଲି ରାତିରେ ଆଶାକର୍ମୀ ଓ ଏଏନଏମ୍ କର୍ମଚାରୀ କରୋନା ଆକ୍ରାନ୍ତଙ୍କୁ ଆଣି ହସପିଟାଲରେ ଭର୍ତ୍ତି କରିବା ପାଇଁ ପେଣ୍ଠକଟା ଯାଇଥିଲେ। ହେଲେ ସେଠାରେ ଲୋକେ ସେମାନଙ୍କୁ ବିରୋଧ କରିଥିଲେ। ରିପୋର୍ଟ ନ ଦେଖିବା ଯାଏ, ଆମେ ମେଡିକାଲ ଯିବୁ ନାହିଁ ବୋଲି ଜିଦ୍ ଧରିଥିଲେ।
ଏଥିସହ ଆଶା କର୍ମୀ ଓ ଏଏନଏମ୍ ଦିଦିଙ୍କୁ ମଧ୍ୟ ମାଡ଼ ମାରି ବିଦା କରି ଦେଇଥିଲେ। ଆଜି ଏହି ଘଟଣାକୁ ନେଇ ପେଣ୍ଠକଟାରେ ଉତ୍ତେଜନା ପ୍ରକାଶ ପାଇଥିଲା। ଶହ ଶହ ମହିଳା ଆଜି ରାସ୍ତା ଉପରକୁ ଆସି ଆନ୍ଦୋଳନ କରିଥିଲେ। ପୁଲିସ୍ ଓ ସ୍ଥାନୀୟ ପ୍ରଶାସନିକ ଅଧିକାରୀ ଘଟଣାସ୍ଥଳରେ ପହଞ୍ଚି ଉତ୍ତ୍ୟକ୍ତ ଲୋକଙ୍କ ସହ ଆଲୋଚନା କରିବା ସହ ବୁଝାସୁଝା କରିଥିଲେ। କୌଣସି ବିଶୃଙ୍ଖଳା ପରିସ୍ଥିତି ନ ଘଟିବା ପାଇଁ ଗାଁରେ ପୁଲିସ୍ ମୁତୟନ ଅଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।