ଭୁବନେଶ୍ୱର: ପୁଣି ଝୁଲିଲା ଭାଗଚାଷୀ ଅଧିକାର ଆଇନ ପ୍ରସଙ୍ଗ। ଏହି ବିଷୟରେ ଆଜି ବସିଥିବା ମନ୍ତ୍ରିସ୍ତରୀୟ ବୈଠକରେ କୌଣସି ନିର୍ଯାସ ବାହାରି ପାରିଲାନି। ଏଥିପାଇଁ ଚୂଡାନ୍ତ ନିଷ୍ପତ୍ତି ନେବା ଲାଗି ଏକ ୫ ଜଣିଆ କମିଟି ଗଠନ ହେବ ବୋଲି ବୈଠକ ଶେଷରେ ସୂଚନା ଦେଇଛନ୍ତି ରାଜସ୍ୱ ମନ୍ତ୍ରୀ ମହେଶ୍ୱର ମହାନ୍ତି। ୫ ଜଣିଆ କମିଟିରେ ସମବାୟ, କୃଷି ଓ ରାଜସ୍ୱ ବିଭାଗର ସଚିବଙ୍କ ସଦସ୍ୟ ରହିବେ। କମିଟି ୧୪ ଦିନରେ ରିପୋର୍ଟ ଦେବ। ତେବେ ୧୯ରେ ପରବର୍ତ୍ତୀ ମନ୍ତ୍ରିସ୍ତରୀୟ ବୈଠକରେ ଏ ନେଇ ନିଷ୍ପତ୍ତି ନିଆଯିବ ବୋଲି ମନ୍ତ୍ରୀ କହିଛନ୍ତି।
ଭାଗଚାଷୀ ନୀତି ନେଇ ପ୍ରସ୍ତୁତ ହେଉଥିବା ଆଇନକୁ ଓଡିଶା ଲ୍ୟାଣ୍ଡ ଲିଜିଂ ଆକ୍ଟ ବୋଲି କୁହାଯାଉଛି। ଏଥିରେ ଭାଗଚାଷୀଙ୍କ ଅଧିକାରକୁ ନେଇ ଡ୍ରାଫ୍ଟ ପ୍ରସ୍ତୁତି ହୋଇଥିଲା। ଭାଗଚାଷୀ ଓ ଜମି ମାଲିକଙ୍କ ମଧ୍ୟରେ ହେବାକୁ ଥିବା ଚୁକ୍ତିର ରୂପରେଖ କଣ ରହିବ, ଭାଗଚାଷୀଙ୍କୁ ସହାୟତା କେମିତି ମିଳିବ ନୂଆ ଆଇନରେ ଜମିମାଲିକ ଓ ଭାଗଚାଷୀଙ୍କ ଅଧିକାର ଏବଂ ଦାୟିତ୍ୱ କଣ ହେବ, ଜମିର ଜଳକର ଓ ଖଜଣା ପଇଠ ନେଇ କଣ ରହିବ ଆଇନ ଏ ସମସ୍ତ ପ୍ରସଙ୍ଗ ଉପରେ ବିଷଦ ଆଲୋଚନା ପରେ ପ୍ରସ୍ତୁତି ଡ୍ରାଫ୍ ପ୍ରସ୍ତୁତ ହୋଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।