ଭୁବନେଶ୍ୱର: ନୂଆ କରି ରେଳ ସଂଯୋଗ ହୋଇଥିବା ନୟାଗଡ଼ ଷ୍ଟେସନରୁ ଏକ୍ସପ୍ରେସ ଟ୍ରେନ ଚଳାଚଳ ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରେଳ ମନ୍ତ୍ରୀ ସୁରେଶ ପ୍ରଭୁଙ୍କୁ ଅନୁରୋଧ କରିଛନ୍ତି। ଏ ସଂପର୍କରେ ରେଳମନ୍ତ୍ରୀଙ୍କୁ ଏକ ଚିଠି ଲେଖି ନୟାଗଡ଼ରୁ ହାଓ୍ୱଡା ଓ ବିଶାଖପାଟଣାକୁ ଏକ୍ସପ୍ରେସ ଟ୍ରେନ ଚଳାଇବା ପାଇଁ ସେ ଅନୁରୋଧ କରିଛନ୍ତି। ସେହିପରି ହାଓ୍ୱଡାରୁ ଭୁବନେଶ୍ୱର ଚାଲୁଥିବା ଗରିବ ରଥ ଏକ୍ସପ୍ରେସକୁ ନୟାଗଡ ପର୍ଯ୍ୟନ୍ତ ସମ୍ପ୍ରସାରଣ ଓ ଇଣ୍ଟରସିଟି ଭଳି ନୟାଗଡରୁ ବିଶାଖପାଟଣାକୁ ଏକ ଏକ୍ସପ୍ରେସ ଟ୍ରେନ ଚଳାଳଚ ପାଇଁ ମୁଖ୍ୟମନ୍ତ୍ରୀ ଚିଠି ଲେଖିଛନ୍ତି। ଏହାଦ୍ୱାରା ନୟାଗଡ, କନ୍ଧମାଳ, ବୌଦ୍ଧ, ଗଂଜାମ ଜିଲ୍ଲାର ଲୋକମାନେ ଉପକୃତ ହୋଇପାରିବେ। ଏହି ଅବସରରେ ଖୋର୍ଦ୍ଧାରୋଡ-ନୟାଗଡ଼ ଟାଉନ୍ ମଧ୍ୟରେ ଟ୍ରେନ ଚଳାଚଳ ଆରମ୍ଭ ହୋଇଥିବାରୁ ମୁଖ୍ୟମନ୍ତ୍ରୀ ରେଳମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି। ବର୍ତ୍ତମାନ ନୟାଗଡରୁ ଖୋର୍ଦ୍ଧାରୋଡ୍ ମଧ୍ୟରେ ଦୁଇଟି ପାସେଞ୍ଜର ଟ୍ରେନ ଚାଲୁଛି। ରାଜ୍ୟ ସରକାରଙ୍କ ସହଭାଗିତାରେ ଆରମ୍ଭ ହେବାକୁ ଥିବା ଜୟପୁର-ମାଲକାନଗିରି, ଜୟପୁର- ନବରଂଗପୁର ନୂଆ ଲାଇନକୁ ତୁରନ୍ତ ଆରମ୍ଭ କରିବା, ଭୁବନେଶ୍ୱର କିମ୍ବା ଖୋର୍ଦ୍ଧାରୁ ମୁମ୍ବାଇକୁ ବିପ୍ଳବୀ ବକ୍ସି ଜଗବନ୍ଧୁଙ୍କ ନାଁରେ ନିୟମିତ ଏକ ନୂଆ ଟ୍ରେନ୍ ଚଳାଚଳ ପାଇଁ ମୁଖ୍ୟମନ୍ତ୍ରୀ ଦାବି ରଖିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।