ଭୋଟର ତାଲିକାରେ ଜାଲିଆତି ପ୍ରସଙ୍ଗ: ବାଲେଶ୍ୱର ସଦର ବିଡିଓଙ୍କୁ ନିଲମ୍ବନ ନିର୍ଦ୍ଦେଶ

ଭୁବନେଶ୍ୱର: ଭୋଟର ତାଲିକା ଜାଲିଆତି ପ୍ରସଙ୍ଗରେ ବାଲେଶ୍ୱର ଜିଲ୍ଲା ସଦର ବ୍ଲକ ବିଡିଓ ମମତା ନାୟକଙ୍କୁ ନିଲମ୍ବନ କରିବାକୁ ରାଜ୍ୟ ନିର୍ବାଚନ କମିଶନ ନିର୍ଦ୍ଦେଶ ଦେଇଛନ୍ତି। ମମତାଙ୍କ ନାମରେ ଭୋଟର ତାଲିକାରେ ଜାଲିଆତି ଅଭିଯୋଗ ହୋଇଥିଲା।

ନିର୍ବାଚନ କମିଶନଙ୍କ ପକ୍ଷରୁ ଆଜି ପଞ୍ଚାୟତିରାଜ ବିଭାଗକୁ ଏହି ନିର୍ଦ୍ଦେଶ ଦିଆଯାଇଛି। ଏହାସହ ମମତାଙ୍କୁ ନିର୍ବାଚନ କାର୍ଯ୍ୟରୁ ଅବ୍ୟାହତି ଦେବାକୁ ମଧ୍ୟ କୁହାଯାଇଛି। ତାଙ୍କ ସ୍ଥାନରେ ଅନ୍ୟ ଜଣେ ଅଧିକାରୀଙ୍କୁ ନିର୍ବାଚନ ଦାୟିତ୍ୱ ଦେବାକୁ କମିଶନ ନିର୍ଦ୍ଦେଶ ଦେଇଛନ୍ତି।