କନ୍ଧମାଳ: ଫୁଲବାଣୀ ସହରର ୯ ନମ୍ୱର ୱାର୍ଡର ବିଭିନ୍ନ ସାହିରେ ନିୟମିତ ପାଇପ୍ ପାଣି ଯୋଗାଣ ଓ ନଳକୂପ ସ୍ଥାପନ ଦାବିରେ ଆଜି ସକାଳେ ସ୍ଥାନୀୟ ଲୋକେ ରାସ୍ତାରୋକ କରିଥିଲେ। ଗରା ବାଲଟି ଧରି ଲୋକେ ରାଞ୍ଚି-ବିଜୟୱାଡା ଜାତୀୟ ରାଜପଥକୁ ୩ ଘଣ୍ଟା ଧରି ଅବରୋଧ କରିଥିଲେ। ଫଳରେ ଯାନବାହନ ଚଳାଚଳ ପ୍ରଭାବିତ ହୋଇଥିଲା।
ଘଟଣାସ୍ଥଳରେ ଫୁଲବାଣୀ ଜନସ୍ୱାସ୍ଥ୍ୟ ବିଭାଗର ସହକାରୀ ନିର୍ବାହୀ ଅଧିକାରୀ ପ୍ରଶାନ୍ତ କୁମାର ଦାଶ ପହଞ୍ଚି ୧୦ ଦିନ ମଧ୍ୟରେ ନୂତନ ନଳକୂପ ଖୋଳାଯିବ ଓ ଟ୍ୟାଙ୍କର ଯୋଗେ ଜଳ ଯୋଗାଇ ଦିଆଯିବ ବୋଲି ପ୍ରତିଶ୍ରୁତି ଦେବା ପରେ ରାସ୍ତାରୋକ ପ୍ରତ୍ୟାହୃତ ହୋଇଥିଲା।
ୱାର୍ଡବାସୀ ପାନୀୟ ଜଳ ଯୋଗାଣ ଦାବିରେ ପୂର୍ବରୁ ଅନେକ ଥର ପ୍ରଶାସନକୁ ଜଣାଇଥିଲେ। ତେବେ କୌଣସି ପଦକ୍ଷେପ ନିଆ ନ ଯିବାରୁ ଆଜି ଲୋକେ ରାସ୍ତା ଅବରୋଧ କରିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।