ବନ୍ୟାଞ୍ଚଳ ବୁଲିବା ପ୍ରସଙ୍ଗରେ ସିଏମଓ କାହିଁକି ନିରବ ? ୫ଟି ପ୍ରଶ୍ନ ପଚାରିଲେ ସୂଚନା ଅଧିକାର କର୍ମୀ

ଭୁବନେଶ୍ୱର(ଓଡ଼ିଶା ରିପୋର୍ଟର): ଗତ ଅଗଷ୍ଟ ୩୧ରେ ମୁଖ୍ୟମନ୍ତ୍ରୀ ବନ୍ୟାଞ୍ଚଳ ପରିଦର୍ଶନ କରିଥିଲେ କି ? ଯଦି, କରିଥିଲେ ତେବେ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ନିରବ କାହିଁକି ? ୧୯ ମିନିଟ୍ ଉଡ଼ାଣର  ସମ୍ପୂର୍ଣ୍ଣ ଭିଡିଓ ଜାରି କାହିଁକି କରାଯାଉନି ? ଆଜି କିଛି ଏଭଳି ପ୍ରଶ୍ନ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟକୁ ପଚାରିଛନ୍ତି ସୂଚନା ଅଧତ୍କାର କର୍ମୀ ପ୍ରଦୀପ ପ୍ରଧାନ । ଭୁବନେଶ୍ୱରରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ସିଏମ୍ଓର ନୀରବତାକୁ ନେଇ ନାନା ପ୍ରଶ୍ନ ସୃଷ୍ଟି ହୋଇଥିବା କହିଛନ୍ତି ପ୍ରଦୀପ । ମୁଖ୍ୟତଃ ୫ଟି ପ୍ରଶ୍ନକୁ ଗୁରୁତ୍ୱ ଦେଇଛନ୍ତି ।

ମୁଖ୍ୟମନ୍ତ୍ରୀ ହେଲିକରରେ ପ୍ରକୃତରେ ବନ୍ୟାଞ୍ଚଳ ପରିଦର୍ଶନ କରିଥିଲେ କି ? ଯଦି ମୁଖ୍ୟମନ୍ତ୍ରୀ ୧୯ ମିନିଟ୍‌ରେ କେଉଁ ଅଞ୍ଚଳ ବୁଲିଥିଲେ ?  ମୁଖ୍ୟମନ୍ତ୍ରୀଙ୍କ ସହ କେଉଁ କେଉଁ ଅଫିସର ଗସ୍ତ କରିଥିଲେ ? ମୁଖ୍ୟମନ୍ତ୍ରୀଙ୍କ ହେଲିକପ୍ଟରର ଗସ୍ତର ସମସ୍ତ ଭିଡିଓ କପି ଦିଆଯାଉ ? ମୁଖ୍ୟମନ୍ତ୍ରୀଙ୍କ ବୟସାଧିକ କାରଣରୁ ତାଙ୍କ ସହ ଡାକ୍ତରୀ ଟିମ୍ ଯିବା କଥା, ତେଣୁ ଗସ୍ତ ସମୟରେ ମୁଖ୍ୟମନ୍ତ୍ରୀଙ୍କ ସହ କେଉଁ ଡାକ୍ତର ଯାଇଥିଲେ ?

ସେ ନେଇ ତଥ୍ୟ ଦିଆଯାଉ ଏୟାରପୋର୍ଟ ଅଥରିଟି ପକ୍ଷରୁ ହେଲିକପ୍ଟର ୧୯ ମିନିଟ୍ ଉଡାଣ କରିଥିବା କୁହାଯାଇଛି । ତେବେ ଏହି ୧୯ ମିନିଟ୍‌ରେ କଣ ବିମାନ ବନ୍ୟାଞ୍ଚଳ ଗସ୍ତ କରିବା ସମ୍ଭବପର ବୋଲି ସେ ପ୍ରଶ୍ନ କରିଛନ୍ତି ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।