‘ମୋତେ ଦୁର୍ବ୍ୟବହାର କଲେ ଜୁଏଲ୍ ଓରାମ’

ରାଉରକେଲା(ଓଡ଼ିଶା ରିପୋର୍ଟର): ପୂର୍ବତନ କେନ୍ଦ୍ରମନ୍ତ୍ରୀ ଜୁଏଲ୍ ଓରାମଙ୍କ ବିରୋଧରେ ଦୁର୍ବ୍ୟବହାର ପରି ସାଂଘାତିକ ଅଭିଯୋଗ ଆଣିଛନ୍ତି ଜଣେ ଯୁବତୀ। ଏପରିକି ଉତ୍ତ୍ୟକ୍ତ ହୋଇ ଯୁବତୀଜଣକ ରାଉରକେଲା ସେକ୍ଟର-୩ସ୍ଥିତ ବିଜେପି ପାର୍ଟି ଅଫିସକୁ ଭଙ୍ଗାରୁଜା କରିଛନ୍ତି ।  ଯୁବତୀଜଣଙ୍କ ହେଲେ ଗୌରୀ ମୁଣ୍ଡା।

ଗୌରୀ ମୁଣ୍ଡା।ଙ୍କ ଅଭିଯୋଗ ଅନୁସାରେ, ମୁଁ ସରପଞ୍ଚ ପ୍ରାର୍ଥୀ ଭାବେ ଛିଡ଼ା ହେଉଥିବାରୁ, ମୋତେ ସହଯୋଗ କରିବାକୁ ଜୁଏଲ୍ ଓରାମଙ୍କୁ ଫୋନ୍ କରିଥିଲି। ସେ ହଁ ମାରିଥିଲେ। ସେ ରାଉରକେଲା ଆସିବାର ପ୍ରୋଗାମ ଥିବାରୁ ମୁଁ  ତାଙ୍କୁ ଫୋନ୍ କରିଥିଲି। ହେଲେ ସେ ଫୋନରେ ମୋତେ ଗାଳିଗୁଲଜ କରିଥିଲେ।

ଅନ୍ୟପକ୍ଷରେ ବିଜେପି ପାନପୋଷ ସାଂଗଠନିକ ଜିଲ୍ଲା ସଭାନେତ୍ରୀ କହିଛନ୍ତି, ଏହା ପ୍ରାୟୋଜିତ ମିଥ୍ୟା ଅଭିଯୋଗ। ଜୁଏଲ୍ ଓରାମଙ୍କୁ ବଦନାମ କରିବା ପାଇଁ ଏପରି କରାଯାଇଛି। ଟିକେଟ ନ ମିଳିବାରୁ ଯୁବତୀଜଣଙ୍କ  ଏପରି କରିଛି।  କୌଣସି ଏକ ନିର୍ଦ୍ଦିଷ୍ଟ ପାର୍ଟି ଦ୍ୱାରା ଏଭଳି ସୁଚିନ୍ତିତ ଷଡଯନ୍ତ୍ର କରାଯାଇଛି।

ତେବେ ଏନେଇ ଜୁଏଲଙ୍କ ପ୍ରତିକ୍ରିୟା ମିଳିନଥିବାବେଳେ ପାର୍ଟି ଅଫିସରେ ଭଙ୍ଗାରୁଜାକୁ ନେଇ ସେକ୍ଟର-୩ ଥାନାରେ ଅଭିଯୋଗ କରିଛି ବିଜେପି ।

 

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।