ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ମୁମ୍ୱାଇ: ସୋସିଆଲ୍ ମିଡିଆରେ ଭାଇରାଲ ହେବାରେ ଲାଗିଛି ମୃତ୍ୟୁର ଲାଇଭ୍‌ ଭିଜୁଆଲ୍‌। ମଦ ନିଶାରେ ୨ ଜଣ ଯୁବକ ୨,୦୦୦ ଫୁଟ ଗଭୀର ଖାଇ ଭିତରକୁ ଖସି ପଡ଼ିଛନ୍ତି। ଏହି ଦୁଃଖଦ ଘଟଣା ଘଟିଛି ମହାରାଷ୍ଟ୍ର ଆମ୍ବୋଲି ଘାଟରେ। ଅସାବଧାନତା କାରଣରୁ ମଦ ନିଶାରେ ଚୁର ହୋଇ ୨ ଜଣ ଯୁବକ ଖାଇ ତଳକୁ ଖସି ପଡ଼ି ମୃତ୍ୟୁ ହୋଇଛି। ଏହି ଦୃଶ୍ୟ ସୋସିଆଲ ମିଡିଆରେ ଭାଇରାଲ୍‌ ହୋଇଛି।</p> <p>ସୂଚନା ଅନୁସାରେ ୨ଜଣ ଯୁବକ ପ୍ରଥମେ ନଦୀରେ ଗାଧୋଇବା ପରେ ପୋଲ ଉପରେ ବସିଥିଲେ। କିଛି ସମୟ ପରେ ସେମାନେ ବ୍ରିଜ୍‌ର ରେଲିଂ ଉପରକୁ ଚଢ଼ି ଯାଇଥିଲେ ଓ ଅସାବଧାନତା ବଶତଃ ଜଣଙ୍କର ଗୋଡ଼ ଖସି ଯାଇଥିଲା। ସେ ଅନ୍ୟଜଣଙ୍କୁ ଧରି ପକାଇବାରୁ ଦୁହେଁ ୨ ହଜାର ଫୁଟ ଖାଇ ଭିତରରେ ଖସି ପଡ଼ିଥିଲେ।</p> <p>ପ୍ରବଳ ବର୍ଷା ହେଉଥିବାରୁ ମୃତଦେହ ଉଦ୍ଧାର କରାଯାଇ ପାରିନାହିଁ। ମୃତକମାନେ ସେମାନଙ୍କ ଆଉ ୫ଜଣ ସାଙ୍ଗମାନଙ୍କ ସହ ମହାରାଷ୍ଟ୍ରର ଆମ୍ବୋଲି ଘାଟକୁ ବୁଲିବାକୁ ଯାଇଥିଲେ। ମୃତକମାନେ ଖାଇ ଉପରେ ବିପଜ୍ଜନକଭାବେ ବୁଲୁଥିବା ବେଳେ ତାଙ୍କ ସାଙ୍ଗମାନେ ଏସବୁ ଘଟଣାର ଭିଜୁଆଲ ଉଠାଉଥିଲେ।</p> <p>ପୋଲିସ୍‌ର କହିବାନୁସାରେ ଏହି ଘଟଣା ୧ ଅଗଷ୍ଟର। ଏହି ୨ ଯୁବକ ଓ ସେମାନଙ୍କ ସାଙ୍ଗମାନେ କୋହ୍ଲାପୁରରେ ଏକ ଫାର୍ମ ହାଉସ୍‌ରେ କାମ କରୁଥିଲେ। ଏହି ୨ ଜଣ ଯୁବକଙ୍କୁ ଖୋଜିବା ପାଇଁ ରାଇଡ୍ରସ୍ ଗ୍ରୁପ୍ ଓ ଟ୍ରାକର୍ସଙ୍କୁ ନିୟୋଜିତ କରାଯାଇଛି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
