‘ହଳଦୀରେ ଥିବା ଉପାଦାନ କ୍ୟାନସର ସେଲକୁ ମାରିପାରିବ’

ଚେନ୍ନାଇ: TNF-Related Apoptosis-Inducing Ligand’ (TRAIL) ଏକ ପ୍ରୋଟିନ୍। ଏହି ପ୍ରୋଟିନ୍ ହଳଦୀ ଏବଂ କୁରକୁମିନ (ହଳଦୀରୁ ପ୍ରସ୍ତୁତ ଏକ ରସାୟନ)ରେ ରହିଛି। ମଣିଷ ଶରୀରରେ ତିଆରି ହେଉଥିବା କ୍ୟାନସର ସେଲକୁ ମାରିବାରେ ଏହି TRAIL ପ୍ରୋଟିନ୍ ସାହାଯ୍ୟ କରିବ। ଆଇଆଇଟି, ମାଡ୍ରାସର ଗବେଷକମାନେ ଗବେଷଣା କରି ଏହା କହିଛନ୍ତି।

ବିଶ୍ୱରେ ଏହି ପ୍ରୋଟିନକୁ ନେଇ ଅନେକ ପରୀକ୍ଷଣ ହେବାପରେ ଏଭଳି ଉପଲବ୍ଧି ସାମ୍ନାକୁ ଆସିଥିବା ଜଣେ ଗବେଷକ କହିଛନ୍ତି। କ୍ୟାନସରରେ ଆକ୍ରାନ୍ତଙ୍କ ଚିକିତ୍ସା ବେଳେ କ୍ୟାନସରର ବାହକ ସାଜିଥିବା ସେଲ୍ ବା କୋଷକୁ ମାରିବା ନିହାତି ଦରକାର। ଏହି ସମୟରେ ସୁସ୍ଥ କୋଷ କ୍ଷତିଗ୍ରସ୍ତ ନହେବା ଦରକାର। ସାଧାରଣତଃ କ୍ୟାନସର ଚିକିତ୍ସା ବେଳେ ଅନେକ ସୁସ୍ଥ କୋଷ କ୍ଷତିଗ୍ରସ୍ତ ହେଉଥିବାର ନଜିର ରହିଛି। ଏଭଳି କ୍ଷେତ୍ରରେ ହଳଦି ଏବଂ କୁରକୁମିନରୁ ଉତ୍ପନ୍ନ ହେଉଥିବା TRAIL ପ୍ରୋଟିନ୍ କ୍ୟାନସର ବାହାକ କୋଷକୁ ମାରିବାରେ ସହାୟକ ହେବ ବୋଲି ଗବେଷକମାନେ କହିଛନ୍ତି।

ଆଇଆଇଟି ମାଡ୍ରାସରେ ହୋଇଥିବା ଏହି ଗବେଷଣାରେ ପ୍ରଫେସର ରାମ ଶଙ୍କର ବର୍ମା, ଭୁପଟ ଏବଂ ଜ୍ୟୋତି ମେହେଟା ସାମିଲ୍ ହୋଇଛନ୍ତି। ଏମାନେ ସମସ୍ତେ ଆଇଆଇଟି ମାଡ୍ରାସର ବାୟୋଟେକ୍ନୋଲଜି ବିଭାଗର କାର୍ଯ୍ୟରତ। କଞ୍ଚା ହଳଦୀରେ ଥିବା ଏକ ନିର୍ଦ୍ଦିଷ୍ଟ ଅଂଶ ହିଁ କୁରକୁମିନ ପ୍ରସ୍ତୁତ କରିବାରେ ସାହାଯ୍ୟ କରେ। ତରକାରୀକୁ ରଙ୍ଗ କରିବା ପାଇଁ ହେଲେ କିମ୍ୱା ସ୍ୱାଦ କରିବା ପାଇଁ କଞ୍ଚା ହଳଦୀର ଏହି ନିର୍ଦ୍ଦିଷ୍ଟ ଅଂଶକୁ ବ୍ୟବହାର କରାଯାଏ।

କୁରକିମିନ କ୍ୟାନସର ନିରୋଧୀ ଭାବରେ ଜଣାଶୁଣା। TRAILରେ ଏକ ସେନସିଟାଇଜର ଭାବରେ କାର୍ଯ୍ୟ କରେ। ପ୍ରୋଷ୍ଟେଟ କର୍କଟ, ସ୍ତନ କର୍କଟ, କୋଲୋନ କର୍କଟ ଏବଂ କ୍ଷତିକାରକ ଗ୍ଲୋମା କ୍ଷେତ୍ରରେ ଏହି TRAIL ପ୍ରୋଟିନ ସାହାଯ୍ୟ କରେ।

ଆହୁରି ପଢ଼ନ୍ତୁ

ପରିବେଶ ଧ୍ୱଂସ କରିବାକୁ ନିୟମ ହେବ !

ଭୂମି ପୂଜନ ନିମନ୍ତ୍ରଣ କାର୍ଡରେ ମୋଦିଙ୍କ ବ୍ୟତୀତ ଏହି ୩ ଜଣଙ୍କ ନାଁ

ବୁଧବାର ମୋଦିଙ୍କ ଅଧ୍ୟକ୍ଷତାରେ ବସିଥିବା କ୍ୟାବିନେଟରେ ଯୋଗଦେଇଥିଲେ ଶାହ

୩ ଅଗଷ୍ଟ, ସୋମବାର: ଜଗିରଖି କାର୍ଯ୍ୟ କରନ୍ତୁ

ମେଦାନ୍ତ ହସ୍ପିଟାଲରେ ଭର୍ତ୍ତି ହେଲେ ଶାହ, ଚିକିତ୍ସା ପାଇଁ ଏମ୍ସରୁ ଯିବେ ଡାକ୍ତରୀ ଟିମ୍

ଭାରତୀୟ ନ୍ୟୁଜ ଚ୍ୟାନେଲ ଉପରୁ ପ୍ରତିବନ୍ଧକ ହଟାଇଲା ନେପାଳ

ଆଡଭାଣୀ ଓ ଯୋଶୀ ଭୂମି ପୂଜନରେ ଯୋଗଦେବେ, କିନ୍ତୁ…

୨ ଅଗଷ୍ଟ, ରବିବାର: ବ୍ୟସ୍ତତା ଭିତରେ ଦିନଟି କଟିବ

ଭାରତ ବିରୋଧରେ ନେପାଳର ନୂଆ ଚକ୍ରାନ୍ତ

ରିୟା ଚକ୍ରବର୍ତ୍ତୀଙ୍କୁ ଆମେ ପାଉନୁ: ବିହାର ପୁଲିସ ଡିଜି

ରାଷ୍ଟ୍ରୀୟ ଶିକ୍ଷାନୀତି ୨୦୨୦: ମାନସିକ ଦାସତ୍ୱରୁ ମୁକ୍ତିଯାତ୍ରା

୧ ଅଗଷ୍ଟ, ଶନିବାର: ଜଳାଶୟ ଠାରୁ ଦୂରେଇ ରୁହନ୍ତୁ