ଆଇସ୍ ହକି ଟିମକୁ ୪ ଲକ୍ଷ ଟଙ୍କା ସହାୟତା ଦେଲେ ଗମ୍ଭୀର

ନୂଆଦିଲ୍ଲୀ: ଆର୍ଥିକ ସଂକଟ ଦେଇ ଗତି କରୁଥିବା ଭାରତୀୟ ଆଇସ୍ ହକି ଟିମକୁ ୪ ଲକ୍ଷ ଟଙ୍କା ସହାୟତା ଯୋଗାଇ ଦେଇଛନ୍ତି କୋଲାକାତା ନାଇଟ୍ ରାଇଡର୍ସର ଅଧିନାୟକ ଗୌତମ ଗମ୍ଭୀର। ଏସିଆ ଚାଲେଞ୍ଜ୍ କପ୍ ୨୦୧୫ରେ ଭାଗ ନେବା ପାଇଁ ସେ ଆଇସ୍ ହକି ଟିମକୁ ଏହି ଅର୍ଥ ଦେଇଛନ୍ତି। ଚାଲେଞ୍ଜ କପରେ ଭାଗ ନେବା ପାଇଁ ଆଇସ୍ ହକି ଟିମ୍ ସାର୍ବଜନୀନ ଭାବେ ଆର୍ଥିକ ସହାୟତା ମାଗିଥିଲା। ଗମ୍ଭୀର କହିଛନ୍ତି ଯେ ସେ ରେଡିଓରେ ଆଇସ୍ ହକି ଟିମର ଅନୁରୋଧ ଶୁଣିଥିଲେ। ଏହା ପରେ ସେ ନିଜ ଟ୍ରଷ୍ଟ ‘ଗୌତମ ଗମ୍ଭୀର ଫାଉଣ୍ଡେସନ’ ଜରିଆରେ ଏହି ସାହାଯ୍ୟ କରିବାକୁ ନିଷ୍ପତ୍ତି ନେଇଥିଲେ।