ଖେଳାଳିଙ୍କ ହୋଟେଲରେ ରହିପାରିବେନି ଚିୟରଲିଡର୍ସ

ନୂଆଦିଲ୍ଲୀ: ଆଇପିଏଲ୍ ଆରମ୍ଭ ହେବା ଦିନଠାରୁ ଚିୟରଲିଡର୍ସଙ୍କ ଭୁମିକା ବହୁତ ଗୁରୁତ୍ୱପୂର୍ଣ୍ଣ ରହିଆସିଛି।ଚଳିତ ଆଇପିଏଲକୁ ଛାଡ଼ି ଦେଲେ ବାକି ସବୁଗୁଡ଼ିକରେ ମ୍ୟାଚ ପରେ ଖେଳାଳିମାନେ ଚିୟରଲିଡର୍ସମାନଙ୍କ ସହିତ ମିଳାମିଶ କରିବା ସାଧାରଣ କଥା ଥିଲା।ତେବେ ଏଥର ବିସିସିଆଇ ଏଥିରେ ଲଗାଇ ଦେଇଛି ରୋକ।

ବୋର୍ଡ କହିଛି ଖେଳାଳିମାନେ ଚିୟରଲିଡର୍ସମାନଙ୍କ ସହିତ ମିଳାମିଶା କରିପାରିବେ ନାହିଁ।ଚିୟରଲିଡର୍ସମାନେ ଖେଳାଳି ରହୁଥିବା ହୋଟେଲରେ ରହିପାରିବେ ନାହିଁ।ସେମାନେ ଖେଳାଳିଙ୍କ ସହିତ ଯାତ୍ରା ବି କରିପାରିବେ ନାହିଁ।ପୂର୍ବରୁ ବିସିସିଆଇ ମ୍ୟାଚ୍ ପରବର୍ତ୍ତୀ ପାର୍ଟି ଉପରେ କଟକଣା ଲଗାଇ ସାରିଥିଲା।କୌଣସି ଅଯଥା ବିବାଦରେ ନପଡ଼ିବାକୁ ବିସିସିଆଇ ଏହି ପଦକ୍ଷେପ ନେଇଛି।

ବିସିସିଆଇ ଚାହୁଁଛି ଖେଳାଳିମାନେ କେବଳ କ୍ରିକେଟ୍ ଉପରେ ଧ୍ୟାନ ଦିଅନ୍ତୁ।ପୂର୍ବରୁ ଚିୟରଲିଡରମାନେ ଖେଳାଳିମାନଙ୍କ ସହିତ ଗୋଟିଏ ହୋଟେଲରେ ରହୁଥିଲେ । ଏପରିକି ଗୋଟିଏ ବିମାନରେ ବି ଯିବାଆସିବା କରୁଥିଲେ ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।