ଧୋନିଙ୍କଠାରୁ ଶିଖନ୍ତୁ ବିରାଟ

ସାଂଘାଇ: ନିଜ ଆବେଗକୁ କିପରି ନିୟନ୍ତ୍ରଣ କରିବାକୁ ହୁଏ ତାହା ମହେନ୍ଦ୍ର ସିଂହ ଧୋନୀଙ୍କଠାରୁ ଶିଖନ୍ତୁ ବିରାଟ କୋହଲି । ଏ କଥା କହିଛନ୍ତି ଅଷ୍ଟ୍ରେଲିଆର ପୂର୍ବତନ କ୍ୟାପଟେନ୍ ଷ୍ଟିଭ୍ ୱାଗ୍ । ସେ କହିଛନ୍ତି ଯେ ନିଜ ଆବେଗକୁ ନିୟନ୍ତ୍ରଣ କରିବା ଓ ଜଣେ ଅଧିନାୟକଙ୍କୁ କିପରି ବ୍ୟବହାର ପ୍ରଦର୍ଶନ କରିବାକୁ ହୁଏ ତାହା ବିରାଟ କୋହଲି ମହେନ୍ଦ୍ର ସିଂହ ଧୋନିଙ୍କଠାରୁ ଶିଖିବା ଉଚିତ୍ ।

ଷ୍ଟିଭ୍ ୱାଗ୍ କହିଛନ୍ତି ଯେ କୋହଲିଙ୍କୁ ଆହୁରି ପରିପକ୍ୱ ହେବାକୁ ପଡ଼ିବ । ବିଶ୍ୱକପ୍ ସମୟରେ ତାଙ୍କୁ କେନ୍ଦ୍ର କରି କିଛି ପ୍ରସଙ୍ଗ ଉଠିଥିଲା । ସେ ଟିକେ ଅଧିକ ଆବେଗପୂର୍ଣ୍ଣ ଖେଳାଳି । ବିଭିନ୍ନ କଥାକୁ ଦେହକୁ ନେଇଯାଉଛନ୍ତି । କିନ୍ତୁ ଜଣେ ଅଧିନାୟକ ହେବା ପରେ ନିଜକୁ ଦୃଢ଼ମନା କରିବାକୁ ହେବ ଓ ଚମକୁ ଟିକେ ମୋଟା କରିବାକୁ ହେବ । ଏ ପ୍ରସଙ୍ଗରେ କୋହଲି ନିଶ୍ଚିତ ଭାବେ ଧୋନୀଙ୍କୁ ଅନୁକରଣ କରିବା ଉଚିତ୍ । ଧୋନୀ ହିଁ ତାଙ୍କ ପାଇଁ ଏହି ପ୍ରସଙ୍ଗରେ ଜଣେ ଭଲ ରୋଲ୍ ମଡେଲ୍ ହୋଇପାରିବେ । କୋହଲିଙ୍କ ପାଖରେ ତାଙ୍କର ନିଜସ୍ୱତା ଅଛି । ତେବେ ସେ ଆଉ କିଛି ଜିନିଷ ଧୋନୀଙ୍କଠାରୁ ଆଣିପାରିବେ । ସମାଲୋଚନାକୁ କିପରି ଏଡ଼ାଇ ଯିବାକୁ ହୁଏ ଓ ପଡ଼ିଆ ଭିତରେ ଏବଂ ବାହାରେ କେମିତି ବ୍ୟବହାର କରିବାକୁ ହୁଏ ସେଥିରେ ଧୋନୀ ଜଣେ ମାହିର ଖେଳାଳି ।

ଷ୍ଟିଭ୍ କହିଥିଲେ, ଲୋକମାନେ କ’ଣ କହୁଛନ୍ତି ତା’ଉପରେ କେବେ ଗୁରୁତ୍ୱ ଦିଅନ୍ତିନି ଧୋନୀ । ବାହାର ଜିନିଷ ତାଙ୍କୁ କେବେ ପ୍ରଭାବିତ କରିପାରେ ନାହିଁ । ସେ କେବଳ ନିଜ କାମ ବିଷୟରେ ଚିନ୍ତା କରନ୍ତି ଓ ପଡ଼ିଆରେ କ’ଣ କରିବେ ସେ ବିଷୟରେ ଚିନ୍ତା କରନ୍ତି ।

ଗତବର୍ଷ ଡିସେମ୍ବରରେ ଧୋନୀ ଟେଷ୍ଟ କ୍ରିକେଟରୁ ହଠାତ୍ ଅବସର ଘୋଷଣା କରି ଦେଇଥିଲେ । ଅଷ୍ଟ୍ରେଲିଆ ବିପକ୍ଷ ତୃତୀୟ ଟେଷ୍ଟ ପରେ ସେ ଅବସର ନେଇଥିଲେ । ତା’ପରେ କୋହଲି ହୋଇଥିଲେ ଟେଷ୍ଟ୍ ଅଧିନାୟକ ।

ସୂଚନାଯୋଗ୍ୟ, ବିଶ୍ୱକପ୍ ସମୟରେ ଅଷ୍ଟ୍ରେଲିଆରେ ଜଣେ ଭାରତୀୟ ସାମ୍ବାଦିକଙ୍କୁ ଦୁର୍ବ୍ୟବହାର କରି ବିରାଟ ଚର୍ଚ୍ଚାକୁ ଆସିଥିଲେ । ଏ ନେଇ ବିସିସିଆଇ ପକ୍ଷରୁ ତାଙ୍କୁ ଚେତାବନୀ ମଧ୍ୟ ଦିଆଯାଇଥିଲା ।

ଆହୁରି ପଢ଼ନ୍ତୁ

ସୁପର୍‌ ଓଭରରେ ବାଜି ମାରିନେଲା ଦିଲ୍ଲୀ କ୍ୟାପିଟାଲ୍ସ

ଷ୍ଟୋଇନିସଙ୍କ ଧୂଆଁଧାର ଇନିଂସ୍, ଦିଲ୍ଲୀ ୧୫୭

ଦିଲ୍ଲୀ କ୍ୟାପିଟାଲ୍ସକୁ ଝଟକା: ଆହତ ଯୋଗୁ ବାଦ୍ ପଡ଼ିଲେ ଇଶାନ୍ତ ଶର୍ମା

ଶତକୀୟ ବିଜୟ ସହ କ୍ୟାପଟେନ୍ କୁଲଙ୍କ ସଫଳ କମ୍ ବ୍ୟାକ୍

ଆଜି ଗେଲ୍-ରାବଡା ଓ ଅଶ୍ୱିନ୍-ମ୍ୟାକ୍ସୱେଲ୍ ମୁକାବିଲା

ଆରମ୍ଭ ମ୍ୟାଚରେ ହାରିବା ପରେ ଖୁସି ହୋଇଗଲେ ମୁମ୍ୱାଇ ଇଣ୍ଡିଆନ୍ସ ଫ୍ୟାନ୍ !

ରୋମାଞ୍ଚକର ବିଜୟରୁ ଆଇପିଏଲ ଆରମ୍ଭ କଲା ଚେନ୍ନାଇ

ମୁମ୍ବାଇ ଇଣ୍ଡିଆନ୍ସକୁ ୧୬୨ ରନରେ ଅଟକାଇଲା ଚେନ୍ନାଇ

ଟସ୍ ଜିତିଲେ ଧୋନି, ପ୍ରଥମେ ବ୍ୟାଟିଂ କରିବ ମୁମ୍ବାଇ

ଆଜିଠୁ ଆଇପିଏଲ୍‌; କରୋନା ଯୋଗୁଁ ଖେଳାଳିଙ୍କ ପାଇଁ ଜାରି ହୋଇଛି କଡ଼ା କଟକଣା

ବିରାଟଙ୍କ ଟ୍ୱିଟ୍‌ର ଜବାବ ଦେଇ ଅଭିନନ୍ଦନ ଜଣାଇଲେ ପ୍ରଧାନମନ୍ତ୍ରୀ

ଏଥର ଆଇପିଏଲରେ କେଉଁ ଟିମ୍‌ର କେତେ ଦମ୍?