ବାଂଲା-ଭାରତ ଦିନିକିଆ: ବାଂଲାଦେଶରେ ପହଞ୍ଚିଲେ ଧୋନୀଙ୍କ ସହ ୮ ଖେଳାଳି

ଢାକା: ବାଂଲାଦେଶ ବିରୋଧ ଏକମାତ୍ର ବର୍ଷା ବାଧାପ୍ରାପ୍ତ ଟେଷ୍ଟ ମ୍ୟାଚ ଡ୍ର ହୋଇଯିବା ପରେ ଏବେ ଭାରତୀୟ କ୍ରିକେଟ ପ୍ରେମୀଙ୍କ ନଜର ଦିନିକିଆ ସିରିଜ ଉପରେ । ବାଂଲାଦେଶ ଗସ୍ତରେ ଥିବା ଭାରତୀୟ ଦଳ ସେଠାରେ ଜୁନ ୧୮, ୨୧ ଓ ୨୪ରେ ୩ଟିକିଆ ୱାନଡେ ସିରିଜ ଖେଳିବ । ଏକମାସରୁ ଊର୍ଦ୍ଧ୍ୱ ବିଶ୍ରାମ ପରେ ଟିମ ଇଣ୍ଡିଆ ଅଧିନାୟକ ମହେନ୍ଦ୍ର ସିଂ ଧୋନୀ ସୋମବାର ଦଳରେ ଯୋଗଦେଇଛନ୍ତି । ତାଙ୍କ ସହ ଦିନିକିଆ ମ୍ୟାଚ ଲାଗି ଅନ୍ୟ ୭ ଜଣ ଖେଳାଳି ଷ୍ଟୁଆଟ ବିନି, ରବୀନ୍ଦ୍ର ଜାଡେଜା, ଏ. ପଟେଲ, ସୁରେଶ ରାଇନା, ମୋହିତ ଶର୍ମା, ଧୱଲ କୁଲକର୍ଣ୍ଣି, ଏବଂ ଅମ୍ୱାତି ରାଇଡୁ ସୋମବାର ବାଂଲାଦେଶରେ ପହଞ୍ଚିଛନ୍ତି । ଅନ୍ୟପକ୍ଷେ ଏକମାତ୍ର ଟେଷ୍ଟ ମ୍ୟାଚ ଡ୍ର ହୋଇଥିବା ସତ୍ତ୍ୱେ ଭାରତୀୟ ଖେଳାଳୀଙ୍କ ଭଲ ପ୍ରଦର୍ଶନ ଦଳକୁ ମାନସିକ ସ୍ତରରେ ସୁଦୃଢ କରିଛି । ତେବେ ଟେଷ୍ଟ ଖେଳ ପରେ କିଛି ଖଳାଳି ସ୍ୱଦେଶ ଫରିବାକୁ ଥିବାବେଳେ ସୋମବାର ଶେଷ ଦିନ ରାତିରେ ବାହାରକୁ ଯାଇ ସେଲିବ୍ରଶନ କରିଥିଲେ । ଏଥିରେ ଉଭୟ ଟେଷ୍ଟ ଓ ଦିନିକିଆ ଦଳର ସମସ୍ତ ଖେଳାଳି ସାମିଲ ହୋଇଥିଲେ ବୋଲି ଭାରତୀୟ ଦଳର ମ୍ୟାନେଜର ବିଶ୍ୱରୂପ ଦେ ଟୁଇଟ୍ କରିଛନ୍ତି