ବାଂଲା ସିରିଜ ହାରିବା ପରେ ସମ୍ମାନ ଲାଗି ଖେଳିବ ଭାରତ

ଢାକା: ଆଜି ଭାରତ ବାଂଲାଦେଶ ମଧ୍ୟରେ ଆଜି ଖେଳାଯିବ ତୃତୀୟ ତଥା ଶେଷ ଦିନିକିଆ । ସିରିଜ ହାରି ସାରିଥିବା ଟିମ୍ ଇଣ୍ଡିଆ ଆଜିର ମ୍ୟାଚ ଜିତି ସମ୍ମାନ ରକ୍ଷା କରିବାକୁ ଚେଷ୍ଟା କରିବ । ପ୍ରଥମ ଦୁଇଟି ମ୍ୟାଚ୍ ହାରିବା ପରେ ଦଳ ସବୁ ଆଡୁ ସମାଲୋଚନାର ସମ୍ମୁଖୀନ ହୋଇଛି । ତେଣୁ ଆଜିର ମ୍ୟାଚ ଜିତିବାକୁ ଚେଷ୍ଟା କରିବ ଧୋନୀ ବାହିନୀ । ଗତ ମ୍ୟାଚରୁ ବାଦ ପଡିଥିବା ଆଜିଙ୍କ୍ୟ ରାହାଣେ ପୁଣି ଚୂଡାନ୍ତ ଏକାଦଶକୁ ଫେରିପାରନ୍ତି । ସେହିପରି ଦଳରେ ଅଲରାଉଣ୍ଡର ଷ୍ଟୁଆର୍ଟ ବିନ୍ନିଙ୍କୁ ମଧ୍ୟ ସାମିଲ କରାଯାଇପାରେ । ସେପଟେ ପ୍ରଥମ ଥର ଲାଗି ଭାରତ ବିପକ୍ଷରେ ସିରିଜ ଜିତିଥିବା ବାଂଲାଦେଶ ଦଳ ବେଶ ଉତ୍ସାହିତ ଅଛି । ଦୁଇଟି ମ୍ୟାଚରେ ୧୧ଟି ଉଇକେଟ ନେଇ ଭାରତୀୟ ବ୍ୟାଟିଂ ଅର୍ଡରକୁ ଧ୍ୱଂସ କରିଦେଇଥିବା ପେସ୍ ବୋଲର୍ ମୁସ୍ତାଫିଜୁର ରେହମାନ ଆଜି ବି ତାଙ୍କ ଏହି ଫର୍ମ ବଜାୟ ରଖିବେ ବୋଲି ଦଳ ଆଶା କରୁଛି । ଏହି ମ୍ୟାଚ ଜିତି ଲଗାତର ଦୁଇଟି ସିରିଜ୍ କ୍ଲିନ୍ ସୁଇପ୍ କରିବା ଲକ୍ଷ୍ୟରେ ରହିଛି ବାଂଲାଦେଶ । ପୂର୍ବରୁ ବାଂଲାଦେଶ ପାକିସ୍ତାନକୁ ୩-୦ରେ ହରାଇଥିଲା ।