ମୋହିତ ଓ ସାମି ମୋତେ ଆଶ୍ଚର୍ଯ୍ୟ କରିଛନ୍ତି: ମାଇକେଲ୍ ହୋଲଣ୍ଡିଂ

ସାଂଘାଇ: ଭାରତର ଦ୍ରୁତ ବୋଲର୍ ମୋହିତ ଶର୍ମା ଓ ମହମ୍ମଦ ସାମିଙ୍କ ବୋଲିଂରେ ଖୁବ୍ ପ୍ରଭାବିତ ହୋଇଛନ୍ତି ୱେଷ୍ଟଇଣ୍ଡିଜର ପ୍ରସିଦ୍ଧ ବୋଲର ମାଇକେଲ ହୋଲଣ୍ଡିଂ। ଏଠାକୁ ଲରେନ୍ସ ବିଶ୍ୱ ଖେଳ ପୁରସ୍କାର କାର୍ଯ୍ୟକ୍ରମରେ ଯୋଗ ଦେବାକୁ ଆସିଥିବା ଅବସରରେ ସେ ନିଜେ ଏହି କଥା କହିଛନ୍ତି। ସେ କହିଥିଲେ, ମୋହିତ ଓ ସାମିଙ୍କ ବୋଲିଂ ତାଙ୍କୁ ଆଶ୍ଚର୍ଯ୍ୟ କରିଛି। ଭାରତରେ ପିଚଗୁଡ଼ିକରେ ଅନେକ ପରିବର୍ତ୍ତନ ଅଣାଯାଇଥିବା ଯୋଗୁ ସେଗୁଡ଼ିକୁ ପେସ୍ ବୋଲରଙ୍କୁ ସହାୟକ ହେଉଛି। ଏବେ ଭାରତୀୟ ପିଚଗୁଡ଼ିକରେ ବଲ ଭଲ ଉଠୁଛି। ତେଣୁ ଏହା ଭାରତୀୟ ବ୍ୟାଟସମ୍ୟାନମାନଙ୍କ ପାଇଁ ବି ଫାଇଦା ଦେଇଛି। ସେମାନେ ବାଉନସର ବଲଗୁଡ଼ିକୁ ଭଲ ଖେଳୁଛନ୍ତି। ସେ କହିଥିଲେ ଯେ ୧୯୮୩ରେ ଭାରତରେ ମୁଁ ଏମିତି ପିଚ୍ ଚାହୁଁଥିଲି।

ସେହିପରି ଭାରତରେ ପେସ୍ ବୋଲିଂ କ୍ଷେତ୍ରରେ ବହୁତ ଉନ୍ନତି ଆସିଛି ବୋଲି ହୋଲଣ୍ଡିଂ କହିଛନ୍ତି। ତେବେ ଅତ୍ୟଧିକ କ୍ରିକେଟ୍ ଯୋଗୁ ସାରା ବିଶ୍ବରେ ପେସ୍ ବୋଲିଂର କଳା ନଷ୍ଟ ହୋଇଯାଉଛି ବୋଲି ସେ କହିଥିଲେ।