ନୂଆଦିଲ୍ଲୀ: ଜୁନ୍ ୧୫ରୁ ଜାପାନ୍ର ହିରୋଶିମାରେ ଆରମ୍ଭ ହେବାକୁ ଥିବା ହକି ସିରିଜ୍ ଫାଇନାଲ୍ସ ପାଇଁ ଭାରତୀୟ ମହିଳା ଦଳ ଘୋଷଣା ହୋଇଛି। ଭାରତ ଏହି ୧୮ ଜଣିଆ ଦଳରେ ଓଡ଼ିଶାରୁ ୩ ଜଣ ସ୍ଥାନ ପାଇଛନ୍ତି। ସେମାନେ ହେଲେ ଲିଲିମା ମିଞ୍ଜ, ସୁନୀତା ଲାକ୍ରା ଓ ଦୀପ ଗ୍ରେସ ଏକ୍କା।
ହକି ସିରିଜ୍ ଫାଇନ୍ସରେ ଭାରତୀୟ ମହିଳା ଦଳର କମାଣ ରାନୀ ରାମପାଲ ସମ୍ଭାଳିବେ। ସେହିପରି ଅଭିଜ୍ଞ ଗୋଲକିପର ସବିତାଙ୍କୁ ତାଙ୍କ ଡେପୁଟି କରାଯାଇଛି।
ସେହିପରି ଦଳରେ ନିଶା ଡେବ୍ୟୁ କରିବେ। ସେ ମିଡ୍ଫିଲ୍ଡର ଭୂମିକା ତୁଲାଇବେ। ସବିତାଙ୍କ ବ୍ୟତୀତ ଦଳରେ ଦ୍ୱିତୀୟ ଗୋଲକିପର ଭାବେ ରଜନୀ ଏଟିମାରପୁଙ୍କୁ ସାମିଲ କରାଯାଇଛି।ୟ
ଏଫ୍ଆଇଏଚ୍ ଫାଇନାଲ୍ସ ସିରିଜ୍ରେ ଭାରତୀୟ ମହିଳା ଦଳ ପୁଲ ଏ’ରେ ସ୍ଥାନ ପାଇଛି। ଭାରତ ବ୍ୟତୀତ ପୋଲାଣ୍ଡ, ଫିଜି ଓ ଉରୁଗୁଏ ଏଥିରେ ରହିଛନ୍ତି।
ସେହିପରି ପୁଲ ବି’ରେ ଜାପାନ, ଚାଇନା, ରୁଷ ଓ ମେକ୍ସିକୋ ରହିଛନ୍ତି। ଜୁନ୍ ୧୫ରେ ଭାରତୀୟ ମହିଳା ଦଳ ଉରୁଗୁଏ ସହ ପ୍ରଥମ ମ୍ୟାଚ୍ ଖେଳିବ। ଏହାପରେ ଦଳ ଜୁନ୍ ୧୬ରେ ପୋଲାଣ୍ଡ ଓ ଜୁନ୍ ୧୭ରେ ଫିଜିକୁ ଭେଟିବ। ୨୦୨୦ ଟୋକିଓ ଅଲିମ୍ପିକ ଯୋଗ୍ୟତା ପାଇବା ଲକ୍ଷ୍ୟରେ ଭାରତୀୟ ମହିଳା ରହିଛି।
ଭାରତୀୟ ମହିଳା ଟିମ୍
ଗୋଲକିପର- ସବିତା (ଭାଇସ୍-କ୍ୟାପଟେନ), ରଜନୀ ଏଟିମାରପୁ
ଡିଫେଣ୍ଡର୍ସ- ସାଲିମା ଟେଟେ, ସୁନୀତା ଲାକ୍ରା, ଦୀପ ଗ୍ରେସ୍ ଏକ୍କା, ନିଶା, ଗୁରଜିତ୍ କୌର୍
ମିଡଫିଲ୍ଡର୍ସ- ମୋନିକା, ସୁଶୀଲା ଚାନୁ ପୁଖରାମବାମ୍, ନିକ୍କି ପ୍ରଧାନ, ନେହା ଗୋୟଲ୍, ଲିଲିମା ମିଞ୍ଜ
ଫରୱାଡର୍ସ- ରାନୀ (କ୍ୟାପଟେନ), ବନ୍ଦନା କାଟାରିୟା, ଲାଲରେମସିଆମି ଜ୍ୟୋତି, ନବଜୋତ୍ କୌର୍, ନବନୀତ କୌର୍ ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।