ନୂଆଦିଲ୍ଲୀ: ଭାରତୀୟ ଟିମ୍ର ଦୁଇ ଷ୍ଟାର ଫୁଟବଲ ଖେଳାଳି ଗୁରପ୍ରୀତ ସିଂହ ସାନ୍ଧୁ ଓ ଜେଜେ ଲାଲପେଖ୍ଲୁଆଙ୍କୁ ଅର୍ଜୁନ ପୁରସ୍କାର ଦେବାକୁ ଏଆଇଏଫ୍ଏଫ୍ ପକ୍ଷରୁ ସୁପାରିସ କରାଯାଇଛି। ୨୦୧୧ରେ ପ୍ରସିଦ୍ଧ ଫୁଟବଲ ଖେଳାଳି ସୁନୀଲ ଛେତ୍ରୀଙ୍କୁ ଅର୍ଜୁନ ସମ୍ମାନରେ ସମ୍ମାନିତ କରାଯାଇଥିଲା। ଦୀର୍ଘ ୮ ବର୍ଷ ପରେ ପୁଣି ଦୁଇ ଜଣ ଫୁଟବଲ ଖେଳାଳିଙ୍କୁ ଅର୍ଜୁନ ସମ୍ମାନ ଦେବାକୁ ସୁପାରିସ କରାଯାଇଛି।
ଭେଟରାନ୍ ସୁବ୍ରତ ପାଲ ଓ ଯୁବ ଟ୍ୟାଲେଣ୍ଟ ଅମରିନ୍ଦର ସିଂହଙ୍କ ପରି ଖେଳାଳିଙ୍କୁ ପଛରେ ପକାଇ ସାନ୍ଧୁ ଏବେ ଭାରତୀୟ ଟିମ୍ର ପ୍ରଥମ ଗୋଲ କିପର ହୋଇପାରିଛନ୍ତି। ସେହିପରି ଫରୱାର୍ଡ ଜେଜେ ନିଜର ଆକ୍ରମଣାତ୍ମକ ଖେଳ ପାଇଁ ବେଶ ପରିଚିତ। ଗତବର୍ଷ ମଧ୍ୟ ସାନ୍ଧୁ ଓ ଜେଜେଙ୍କ ନାଁଙ୍କ ଅର୍ଜୁନ ପୁରସ୍କାର ପାଇଁ ସୁପାରିସ ହୋଇଥିଲା। ତେବେ ସେମାନଙ୍କୁ ପୁରସ୍କାର ମିଳି ନଥିଲା। ଛେତ୍ରୀଙ୍କୁ ପ୍ରଥମେ ଅର୍ଜୁନ ଓ ପରେ ପଦ୍ମଶ୍ରୀ ସମ୍ମାନରେ ସମ୍ମାନିତ କରାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।