ଭାରତ ବିପକ୍ଷ ଦ୍ୱିତୀୟ ଟେଷ୍ଟରେ ୱେଷ୍ଟଇଣ୍ଡିଜ ଦଳରେ ସାମିଲ ହେଲେ ଜୋସେଫ୍

ଜାମାଇକା: ଶନିବାରଠାରୁ କିଙ୍ଗଷ୍ଟନରେ ଆରମ୍ଭ ହେବାକୁ ଥିବା ଭାରତ ବିପକ୍ଷ ୪ଟିକିଆ ଟେଷ୍ଟ ସିରିଜ୍‌ର ଦ୍ୱିତୀୟ ମ୍ୟାଚ୍‌ ପାଇଁ ୱେଷ୍ଟଇଣ୍ଡିଜର ୧୪ ଜଣିଆ ଦଳରେ ସାମିଲ ହୋଇଛି ଫାଷ୍ଟ ବୋଲର ଅଲ୍‌ଜାରି ଜୋସେଫ୍‌।

୧୯ ବର୍ଷୀୟ ଏହି ଫାଷ୍ଟ ବୋଲର ଜଣକ ମାତ୍ର ୧୨ଟି ମ୍ୟାଚ୍‌ ଖେଳିଛନ୍ତି। ଏଥିରେ ୮ଟି ପ୍ରଥମ ଶ୍ରେଣୀ ମ୍ୟାଚ୍‌ ରହିଛି। ଏହି ୮ଟି ମ୍ୟାଚ୍‌ରେ ସେ ମୋଟ ୨୪ଟି ୱିକେଟ ନେଇଛନ୍ତି।

ଫେବ୍ରୁଆରୀରେ ହୋଇଥିବା ୧୯ ବର୍ଷରୁ କମ୍ ବିଶ୍ୱକପ୍‌ ଚାମ୍ପିଅନ୍‌ ଦଳରେ ମଧ୍ୟ ସେ ସାମିଲ ଥିଲେ। ସେ ମୋଟ ୧୩ଟି ୱିକେଟ ନେଇ ଏହି ଟୁର୍ଣ୍ଣାମେଣ୍ଟରେ ତୃତୀୟ ସର୍ବାଧିକ ୱିକେଟ ହାସଲ କରିଥିବା ବୋଲର ବିବେଚିତ ହୋଇଥିଲେ।

ଭାରତଠାରୁ ପ୍ରଥମ ଟେଷ୍ଟରେ ୱେଷ୍ଟଇଣ୍ଡିଜ୍ ଇନିଂସ ଓ ୯୨ ରନ୍‌ରେ ପରାଜିତ ହୋଇଥିଲା।