ଅଷ୍ଟ୍ରେଲିଆନ୍ ଓପନ୍: କ୍ୱାର୍ଟରରେ ପେସ୍-ହିଙ୍ଗିସ୍ ଓ ସାନିଆ-ଡୋଡିଗ୍ ମୁକାବିଲା

ମେଲବୋର୍ଣ୍ଣ: ଚଳିତ ଅଷ୍ଟ୍ରେଲିଆନ୍ ଓପନରେ ଭାରତର ସାନିଆ ମୀର୍ଜା ଓ ଲିଆଣ୍ଡର ପେସ୍ ମିକ୍ସଡ୍ ଡବଲ୍ସରେ ଆଉ ପାଦେ ଆଗେଇଛନ୍ତି। ସ୍ୱିଜରଲାଣ୍ଡର ମାର୍ଟିନା ହିଙ୍ଗିସଙ୍କୁ ସାଥୀ କରି ଖେଳୁଥିବା ପେସ୍ ଓ କ୍ରୋଆଟିଆର ଇଭେନ୍ ଡୋଡିଗଙ୍କୁ ସାଥୀ କରି ଖେଳୁ ଥିବା ସାନିଆ କ୍ୱାର୍ଟର ଫାଇନାଲରେ ପହଞ୍ଚିଛନ୍ତି। କ୍ୱାର୍ଟର ଫାଇନାଲରେ ପେସ-ହିଙ୍ଗିସ ଓ ସାନିଆ-ଡୋଡିଗଙ୍କ ମଧ୍ୟରେ ମୁକାବିଲା ହେବ। ତେଣୁ କେବଳ ଜଣେ ଭାରତୀୟ ହିଁ ମିକ୍ସଡ୍ ଡବଲ୍ସ ସେମିଫାଇନାଲ ଖେଳି ପାରିବେ।

ଆଜି ସାନିଆ ମୀର୍ଜା ଓ ଇଭାନ୍ ଡୋଡିଗ୍ ଯୋଡ଼ି ଐସମ୍-ଉଲ-ହକ୍ କ୍ୟୁରେଶୀ ଓ ୟାରୋସ୍ଲାଭା ଶଭେଡୋଭା ଯୋଡ଼ିଙ୍କୁ ୭-୫, ୬-୨ରେ ପରାସ୍ତ କରିଛନ୍ତି।

ସେହିପରି ଲିଆଣ୍ଡର ପେସ-ମାର୍ଟିନା ହିଙ୍ଗିସ୍ ଯୋଡ଼ି ଜିନ୍-ଜୁଲିଏନ୍ ରୋଜର-ସ୍ଲୋଏନ୍ ଷ୍ଟିଫେନ୍ସ ଯୋଡିଙ୍କୁ ୬-୧,୬-୨ରେ ପରାସ୍ତ କରିଛନ୍ତି।