ନୂଆଦିଲ୍ଲୀ: ଡିସିସନ୍ ରିଭ୍ୟୁ ସିଷ୍ଟମ୍(ଡିଆର୍ଏସ୍)କୁ ବିରୋଧ କରି ଆସୁଥିବା ବିସିସିଆଇ ଆସନ୍ତା ମାସରୁ ଆରମ୍ଭ ହେବାକୁ ଥିବା ଭାରତ-ଇଂଲଣ୍ଡ ଟେଷ୍ଟ ସିରିଜ୍ରେ ଏହାକୁ ପରୀକ୍ଷାମୂଳକ ଭାବେ ବ୍ୟବହାର କରିବାକୁ ଆଜି ସମ୍ମତି ପ୍ରକାଶ କରିଛି।
ବିସିସିଆଇ ପକ୍ଷରୁ ଜାରି କରାଯାଇଥିବା ଏକ ବିବୃତ୍ତିରେ କୁହାଯାଇଛି,“ଆସନ୍ତା ନଭେମ୍ବର ୯ ତାରିଖରୁ ଆରମ୍ଭ ହେବାକୁ ଯାଉଥିବା ଭାରତ-ଇଂଲଣ୍ଡ ଟେଷ୍ଟ୍ ସିରିଜ୍ରେ ବିସିସିଆଇ ଡିଆର୍ଏସ୍କୁ ପରୀକ୍ଷାମୂଳକ ଭାବେ ବ୍ୟବହାର କରିବା ପାଇଁ ନିଷ୍ପତ୍ତି ନିଆଯାଇଛି। ଏହି ବ୍ୟବସ୍ଥାରେ ହୋଇଥିବା ଉନ୍ନତିକୁ ପରଖିବା ପାଇଁ ବିସିସିଆଇ ଏଭଳି ନିଷ୍ପତ୍ତି ନେଇଛି।”
ଦୀର୍ଘ ଦିନ ହେଲାଣି ବିସିସିଆଇ ଓ ଭାରତର ଦିନିକିଆ ଟିମ୍ ଅଧିନାୟକ ମହେନ୍ଦ୍ର ସିଂହ ଧୋନୀ ଡିଆର୍ଏସ୍କୁ ବିରୋଧ କରି ଆସୁଛନ୍ତି। ତେବେ ଟେଷ୍ଟ୍ ଟିମ୍ ଅଧିନାୟକ ବିରାଟ କୋହଲି ଓ କୋଚ୍ ଅନୀଲ କୁମ୍ବଲେ ଡିଆର୍ଏସ୍କୁ ପରୀକ୍ଷାମୂଳକ ଭାବେ ବ୍ୟବହାର କରିବା ପାଇଁ ଖୋଲାଖୋଲି ଭାବେ ମତ ପ୍ରକାଶ କରିଥିଲେ।
ଡିଆର୍ଏସ୍ର ଉପଯୋଗ ଥାଇ ଶେଷ ଥର ପାଇଁ ଭାରତ ୨୦୦୮ରେ ଶ୍ରୀଲଙ୍କା ବିପକ୍ଷ ଟେଷ୍ଟ୍ ସିରିଜ୍ ଖେଳିଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
