ବିସିସିଆଇ ବନାମ ଲୋଧା କମିଟି: ୧୭କୁ ଘୁଞ୍ଚିଲା ସୁପ୍ରିମ୍‌କୋର୍ଟଙ୍କ ଶୁଣାଣି

ନୂଆଦିଲ୍ଲୀ: ବିସିସିଆଇ ବନାମ ଲୋଧା କମିଟି ମାମଲାର ଶୁଣାଣିକୁ ଆଜି ସୁପ୍ରିମ୍‌କୋର୍ଟ ଅକ୍ଟୋବର ୧୭ ତାରିଖ ପର୍ଯ୍ୟନ୍ତ ଘୁଞ୍ଚାଇ ଦେଇଛନ୍ତି। ଆସନ୍ତା ୧୦ ଦିନ ପର୍ଯ୍ୟନ୍ତ ଛୁଟି ରହିବ।

ବିସିସିଆଇ ସଭାପତି ସମେତ ସମସ୍ତ ଉଚ୍ଚ ପଦାଧିକାରୀଙ୍କୁ ଗାଦିଚ୍ୟୁତ କରିବା ପାଇଁ ବିସିସିଆଇରେ ସଂସ୍କାର ଆଣିବା ପାଇଁ ଗଠିତ   ଲୋଧା କମିଟି ସୁପ୍ରିମ୍‌କୋର୍ଟରେ ଆବେଦନ କରିଥିଲେ। କମିଟି ଦ୍ୱାରା ସୁପାରିଶ କରାଯାଇଥିବା ବ୍ୟବସ୍ଥାଗୁଡ଼ିକୁ ବିସିସିଆଇ ପାଳନ କରିବାରେ ଟାଳଟୁଳ ନୀତି ଅବଲମ୍ବନ କରୁଥିବା ନେଇ ସର୍ବୋଚ୍ଚ ନ୍ୟାୟାଳୟଙ୍କୁ କୁହାଯାଇଥିଲା।

ତେବେ ଏ ପ୍ରସଙ୍ଗରେ ସୁପ୍ରିମ୍‌କୋର୍ଟଙ୍କ ରାୟ ଜାଣିବାକୁ ଅକ୍ଟୋବର ୧୭ ତାରିଖ ଯାଏଁ ଅପେକ୍ଷା କରିବାକୁ ହେବ। ଅନ୍ୟପକ୍ଷରେ ଲୋଧା କମିଟି ଦ୍ୱାରା ପ୍ରସ୍ତୁତ  ନିୟମଗୁଡ଼ିକୁ ପାଳନ କରିବାକୁ ବିସିସିଆଇକୁ ୧୦ ଦିନ ସମୟ ମିଳି ଯାଇଛି।