ସେପ୍ଟେମ୍ବର ୧୯ରୁ ଆଇପିଏଲ! ଜାଣନ୍ତୁ କେଉଁଠି ହେବ ଓ କେବେ ସରିବ

ନୂଆଦିଲ୍ଲୀ: କ୍ରିକେଟ ପ୍ରେମୀଙ୍କ ପାଇଁ ଖୁସି ଖବର। କରୋନା ମହମାରୀ ଯୋଗୁ ସ୍ଥଗିତ ରହିଥିବା ଆଇପିଏଲର ୧୩ତମ ସଂସ୍କରରଣ ଖୁବଶୀଘ୍ର ଆରମ୍ଭ ହେବାକୁ ଯାଉଛି। ଆଇସିସି ଟି-୨୦ ବିଶ୍ୱକପକୁ ସ୍ଥଗିତ କରିବା ପରେ ବିସିସିଆଇ ଏବେ ସେହି ସମୟରେ ଆଇପିଏଲ ଆୟୋଜନ କରିବାକୁ ନିଷ୍ପତ୍ତି ନେଇଛି।

ସୂଚନା ଅନୁଯାୟୀ, ଆସନ୍ତା ସେପ୍ଟେମ୍ବର ୧୯ ତାରିଖରୁ ଆଇପିଏଲ ଆରମ୍ଭ ହେବ। ତେବେ ଭାରତରେ କରୋନା ସଂକ୍ରମଣ ଦ୍ରୁତଗତିରେ ବଢ଼ୁଥିବାରୁ ବିସିସିଆଇ ଏହାକୁ ୟୁଏଇରେ ଆୟୋଜନ କରିବ। ୨୦୦୯ ଓ ୨୦୧୪ ପରେ ତୃତୀୟ ଥର ପାଇଁ ଭାରତର ସବୁଠାରୁ ବଡ଼ ଘରୋଇ ଟୁର୍ଣ୍ଣାମେଣ୍ଟ ବିଦେଶରେ ଆୟୋଜନ ହେବାକୁ ଯାଉଛି।

ଚଳିତ ବର୍ଷର ଆଇପିଏଲର ପ୍ରଥମ ମ୍ୟାଚ୍‌ ସେପ୍ଟେମ୍ବର ୧୯ରେ ଆରମ୍ଭ ହେବାକୁ ଥିବା ବେଳ ନଭେମ୍ବର ୮ରେ ଫାଇନାଲ ମ୍ୟାଚ୍ ଖେଳାଯିବ। ଏନେଇ ଆଇପିଏଲ ଗଭର୍ଣ୍ଣିଂ କାଉନସିଲର ବୈଠକ ଆସନ୍ତା ସପ୍ତାହରେ ବସିବ। ଏହାପରେ ବିଧିବଦ୍ଧ ଭାବେ ମ୍ୟାଚ୍‌ ସୂଚୀ ଓ ତାରିଖ ଘୋଷଣା କରାଯିବ।

ଏହି ବୈଠକ ପୂର୍ବରୁ ବିସିସିଆଇ ଟୁର୍ଣ୍ଣାମେଣ୍ଟ ଆୟୋଜନ କରିବା ପାଇଁ ବିଦେଶ ଯିବାକୁ ଚାହୁଁଥିବାରୁ ଭାରତ ସରକାରଙ୍କ ଅନୁମତି ମଧ୍ୟ ନେବ। ଇତି ମଧ୍ୟରେ ବିସିସିଆଇ ଅନୁମତି ପାଇଁ ଆବେଦନ ମଧ୍ୟ କରିସାରିଛି। ଭାରତ ସରକାର ମଧ୍ୟ ପରୋକ୍ଷରେ ବିସିସିଆଇକୁ ଗ୍ରୀନ ସିଗ୍ନାଲ ଦେଇଥିବା ବିଶେଷ ସୂତ୍ରରୁ ଜଣାପଡ଼ିଛି।

ଜଣେ ବିସିସିଆଇ ଅଧିକାରୀ ନିଜ ନାଁ ଗୋପନ ରଖି କହିଛନ୍ତି, “ସେପ୍ଟେମ୍ବର ୧୯ ହେଉଛି ଶନିବାର। ଏହି ତାରିଖରେ ହିଁ ଦୁବାଇରେ ଆଇପିଏଲର ପ୍ରଥମ ମ୍ୟାଚ୍‌ ଆରମ୍ଭ ହେବ। ନଭେମ୍ବର ୮ ହେଉଛି ରବିବାର। ତେଣୁ ରବିବାର ଫାଇନାଲ ମ୍ୟାଚ୍‌ ଅନୁଷ୍ଠିତ ହେବ। ଦୀର୍ଘ ୫୧ ଦିନ ଧରି ଚାଲିବାକୁ ଥିବା ଟୁର୍ଣ୍ଣାମେଣ୍ଟ ପାଇଁ ସବୁ ପ୍ରକାରର ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚି ଯାଇଛି। ଆଇପିଏଲରେ ଭାଗ ନେଉଥିବା ଟିମ୍‌ ଓନର, ବ୍ରଡକାଷ୍ଟର ଓ ଅନ୍ୟାନ୍ୟ ଅଂଶୀଦାରଙ୍କୁ ସୁହାଇଲା ଭଳି ସ୍ଥିତିକୁ ଦୃଷ୍ଟିରେ ରଖି ଆଇପିଏଲ ଆୟୋଜନ କରିବାକୁ ନିଷ୍ପତ୍ତି ହୋଇଛି।

ସେପ୍ଟେମ୍ବର ୧୯ରେ ଆଇପିଏଲ ଆରମ୍ଭ ହେବାକୁ ଥିବାରୁ ଅଗଷ୍ଟ ୨୦ରୁ ହିଁ ବିଭିନ୍ନ ଟିମ୍‌ର ସଦସ୍ୟ ୟୁଏଇ ଗସ୍ତ କରିବେ। ଏହାଦ୍ୱାରା ସେମାନଙ୍କୁ ଗୋଟିଏ ମାସ ସେଠାରେ ପ୍ରସ୍ତୁତି କରିବାକୁ ସମୟ ମିଳିବ। କାରଣ କରୋନା ପାଇଁ ଖେଳାଳିମାନେ ପଡ଼ିଆରୁ ଦୂରେଇ ରହିଛନ୍ତି। ପୁଣିଥରେ ପଡ଼ିଆକୁ ଫେରିବା ପୂର୍ବରୁ ସେମାନଙ୍କୁ ଅଭ୍ୟାସ ପାଇଁ କିଛି ସମୟ ଦରକାର।”

ଚଳିତ ବର୍ଷ ମାର୍ଚ୍ଚ ୨୯ରେ ଆଇପିଏଲ ଆରମ୍ଭ ହେବାର ଥିଲା। କିନ୍ତୁ କରୋନା ଯୋଗୁ ଏହାକୁ ସ୍ଥଗିତ କରାଯାଇଥିଲା।

ଆହୁରି ପଢ଼ନ୍ତୁ

ଅମାନିଆଙ୍କ ପାଇଁ ଜାରି ହେଲା ହ୍ୱାଟ୍ସଆପ୍‌ ନମ୍ୱର

ଟେଲର ଦୋକାନରୁ ଘରେ ଚଳେ, ମୋ ପୁଅ ଆଇଏଏସ ପାଇଛି

ନୂଆ ମ୍ୟାପ ଜାରି କଲା ପାକିସ୍ତାନ, କଶ୍ମୀର ସହ ଗୁଜରାଟ ଓ ଲଦାଖର କିଛି ଅଂଶକୁ ନିଜର ଦର୍ଶାଇଲା

୭ ଜିଲ୍ଲାରେ ପ୍ରବଳ ବର୍ଷିବ, ଜିଲ୍ଲାପାଳଙ୍କ ସତର୍କ କଲେ ଏସ୍‌ଆର୍‌ସି

ଅନ୍ତର୍ଜାତୀୟ ମାର୍କେଟରେ ରାଫେଲର ଚାହିଦା କାହିଁକି କମ?

ଭୁବନେଶ୍ୱରରୁ ୧୪୯ କରୋନା ଆକ୍ରାନ୍ତ ଚିହ୍ନଟ, ସେଥିରୁ ୫୧ ଲୋକାଲ୍‌ କେସ୍‌

ସିବିଆଇ ତଦନ୍ତ ସୁପାରିସ ପରେ କଥା ବଦଳାଇଲେ ରିୟା

କରୋନା ଟିକାର ପରୀକ୍ଷା ଶେଷ, ଅକ୍ଟୋବରରୁ ଉତ୍ପାଦନ!

ଓଡ଼ିଆ ଗଣମାଧ୍ୟମ: ସ୍ଥିତି, ଧାରା ଓ ଭବିଷ୍ୟତ

ଅଯୋଧ୍ୟାରେ ପ୍ରାୟ ୩ ଘଣ୍ଟା ରହିବେ ମୋଦି, ଜାଣନ୍ତୁ କ’ଣ ରହିଛି କାର୍ଯ୍ୟକ୍ରମ

ଆମ୍ବୁଲାନ୍ସକୁ ଅନାଇ ଅନାଇ ଗଲା ଜୀବନ

‘ମୁଁ ଦୁଃଖିତ, ହେଲେ ଦାୟୀ ନୁହେଁ’, ଅଶ୍ଲୀଳ ଲିଙ୍କ୍‌ ପଡ଼ିବା ଘଟଣାରେ ଏପରି କହିଲେ ପ୍ରଧାନଶିକ୍ଷକ