ବେଙ୍ଗାଲୁରୁ: ଲଗାତାର ୫ଟି ମ୍ୟାଚ୍ ହାରି ଚଳିତ ଆଇପିଏଲ୍ ମହାକୁମ୍ଭରୁ ବିଦା ହେବା ଆଶଙ୍କାରେ ପଡ଼ିଥିବା ବିରାଟ୍ କୋହଲିଙ୍କ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ବିଜୟ ଲକ୍ଷ୍ୟ ନେଇ ଆଜି ପଡ଼ିଆକୁ ଓହ୍ଲାଇଛି। ଆଇପିଏଲ୍ର ଏହି ୨୦ତମ ମ୍ୟାଚ୍ରେ ବେଙ୍ଗାଲୁରୁର ମୁକାବିଲା ଯୁବ ଷ୍ଟାର ଖଚିତ ଦିଲ୍ଲୀ କ୍ୟାପିଟାଲ୍ସ ବିପକ୍ଷରେ ହେଉଛି। ମ୍ୟାଚ୍ରେ ଟସ୍ ଜିତି ଶ୍ରେୟସ ଆୟରଙ୍କ ଦିଲ୍ଲୀ କ୍ୟାପିଟାଲ୍ସ ବୋଲିଂ ନିଷ୍ପତ୍ତି ନେଇଛି। ଅର୍ଥାତ ବିରାଟ୍ କୋହଲିଙ୍କ ବେଙ୍ଗାଲୁରୁ ପ୍ରଥମେ ବ୍ୟାଟିଂ କରିବ।
ଗତ ମ୍ୟାଚ୍ରେ ବେଙ୍ଗାଲୁରୁ ୨୦୫ ରନ୍ କରିଥିଲେ ହେଁ କୋଲକାତାଠାରୁ ଦଳକୁ ପରାସ୍ତ ହେବାକୁ ପଡ଼ିଥିଲା। ସେହିପରି ଦିଲ୍ଲୀ କ୍ୟାପିଟାଲ୍ସ ଲଗାତାର ୨ଟି ପରାଜୟ ଭୋଗିଛି। ତେଣୁ ଉଭୟ ଦଳ ଆଜିର ମ୍ୟାଚ୍କୁ ଜିତିବାକୁ ନିଶ୍ଚିତ ଉଦ୍ୟମ କରିବେ। ଦିଲ୍ଲୀ ବର୍ତ୍ତମାନ ସୁଦ୍ଧା ୫ଟି ମ୍ୟାଚ୍ଟି ୩ଟିରେ ହାରିଥିବା ବେଳେ ମାତ୍ର ୨ଟିରେ ଜିତିବାକୁ ସକ୍ଷମ ହୋଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।