ନଟ୍ଟିଂହାମ୍: ଚଳିତ ବିଶ୍ୱକପରେ ଆଜି ଖେଳାଯିବାକୁଥିବା ଭାରତ ଓ ନ୍ୟୁଜିଲ୍ୟାଣ୍ଡ୍ ମ୍ୟାଚ୍ ବର୍ଷା ବାଧାପ୍ରାପ୍ତ ହୋଇଛି। ବର୍ଷା ଯୋଗୁ ଏପର୍ଯ୍ୟନ୍ତ ଟସ୍ ପଡ଼ିବା ସମ୍ଭବ ହୋଇପାରି ନାହିଁ। ଭାରତୀୟ ସମୟ ଅନୁଯାୟୀ ମ୍ୟାଚ୍ ଅପରାହ୍ନ ୩ଟା ବେଳେ ଆରମ୍ଭ ହେବାର ଥିଲା।
ଏହାର ଅଧଘଣ୍ଟା ପୂର୍ବରୁ ଅର୍ଥାତ୍ ଅପରାହ୍ଣ ୨.୩୦ରେ ଟସ୍ ପଡ଼ିବାର ଥିଲା। କିନ୍ତୁ ଗତ ରାତିରେ ଲଗାଣ ବର୍ଷା ଯୋଗୁ ଆଉଟ୍ ଫିଲ୍ଡ ସମ୍ପୂର୍ଣ୍ଣ ଓଦା ରହିଛି ଏବଂ ଟସ୍ ପଡ଼ିବାରେ ବିଳମ୍ବ ହୋଇଥିଲା। ତେବେ ଏହା ମଧ୍ୟରେ ଅଢ଼େଇ ଘଣ୍ଟା ବିତି ଯାଇଥିଲେ ହେଁ, ସ୍ଥିତିରେ କୌଣସି ପରିବର୍ତ୍ତନ ଆସିନାହିଁ।
ବର୍ତ୍ତମାନ ବର୍ଷା ଲାଗି ରହିଥିବାରୁ ଅମ୍ପାୟାର ଭାରତୀୟ ସମୟ ସନ୍ଧ୍ୟା ୬ଟା ବେଳେ ପୁନର୍ବାର ପିଚ୍ ନୀରିକ୍ଷଣ କରିବେ। ଯଦି ପିଚ୍ ଖେଳିବା ଉପଯୋଗୀ ନ ହୁଏ, ତାହେଲେ ଏହି ମ୍ୟାଚ୍ ବାତିଲ ହୋଇପାରେ। ଏବେ ଶେଷ ନିଷ୍ପତ୍ତି ଅମ୍ପାୟାର ନେବେ। ବର୍ଷାକୁ ଦୃଷ୍ଟିରେ ରଖି ଅମ୍ପାୟାର ଆଗୁଆ ମଧ୍ୟାହ୍ନ ଭୋଜନ ବ୍ରେକ୍ ନେଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
